Darja Šmanaj dvojčy traplała ŭ avaryi ŭ Maskvie na čužym «Miersedesie»
U abodvuch vypadkach vinavataj u zdareńniach była pryznana mienavita jana — daradca-pasłańnik pasolstva Biełaruś u Rasii i favarytka Alaksandra Łukašenki.
Udzielnica znakamitaha «kavunovaha bataljona» Alaksandra Łukašenki i pieramožca konkursu «Karaleva Viasny — 2013» Darja Šmanaj pierajechała ŭ Maskvu ŭ 2020 hodzie. Tam jana atrymała pasadu daradcy-pasłańnika ŭ biełaruskim dypłamatyčnym pradstaŭnictvie.
U niadaŭnim intervju Šmanaj adznačała: «U Maskvie patok ranicaj niasie ciabie na pracu, uviečary — dadomu». Jak vynikaje z bazy avaryj, jakuju chakiery vykłali ŭ internet, pa rasijskaj stalicy jaje «niasie» nie hramadski transpart, a ciomna-sini Mercedes-Benz GLC 300 4Matic 2021 hoda vypusku.
Heta adzin z samych papularnych haradskich krasovieraŭ premium-kłasa. Madel ličycca idealnaj dla miehapolisa dziakujučy vysokaj pasadcy, kamfortnaj padviescy i dobraj šumaizalacyi. Pad kapotam viersii GLC 300 — dvuchlitrovy bienzinavy turbamator u pary z 9‑stupieńčataj aŭtamatyčnaj karobkaj pieradač. Štatny poŭny pryvad 4MATIC dazvalaje ŭpeŭniena adčuvać siabie jak na mokrym asfalcie, tak i ŭ zimovaj kašy, a razhon da 100 km/h zajmaje ŭsiaho kala 6,5 siekundy.
U 2021 hodzie taki novy aŭtamabil kaštavaŭ u sałonie bolš za $80 tysiač pa tahačasnym kursie. Paśla čatyrochhadovaha karystańnia takaja madel aceńvajecca ŭ salidnyja $68 tysiač.
Aŭtamabil naležyć nie Šmanaj. Pieršaj haspadyniaj «Miersedesa» paznačana Julija Pališčuk, a praz hod prava ŭłasnaści pierajšło Volzie Davydzienka. Adnak jeździć na mašynie mienavita Šmanaj.
U bazie avaryj utrymlivajecca infarmacyja pra dva darožna-transpartnyja zdareńni z udziełam hetaha aŭto — i ŭ abodvuch vypadkach za rulom znachodziłasia mienavita biełaruska. I tady, i tady jaje pryznali adzinaj vinavataj u avaryi.
Pieršy incydent adbyŭsia 22 žniŭnia 2021 hoda. Charakterna, što aŭtamabil na toj momant byŭ absalutna novy, jaho zabrali z sałona mienš za miesiac tamu. A kali praz try tydni paśla avaryi mašynu zdali ŭ ramont, jaje prabieh składaŭ miziernyja 435 kiłamietraŭ.
DTZ, u jakoje trapiła Šmanaj, pryviało da paškodžańnia bahažnika. Zhodna z danymi servisnaha centra, udar nie byŭ krytyčnym: zamiest poŭnaj zamieny darahoj detali majstry pryniali rašeńnie adnavić «rodnyja» dźviery zadka. Ramont byŭ apłačany strachavoj kampanijaj.
Druhi raz daradca-pasłańnik biełaruskaha pasolstva trapiła ŭ avaryju 29 červienia 2023 hoda. Nakolki surjozna była paškodžana mašyna ŭ hetym DTZ, nieviadoma. Ale i tut inšych vinavatych i paciarpiełych nie było, Šmanaj raźbiła mašynu sama.
«Naša Niva» — bastyjon biełaruščyny
PADTRYMAĆDar‘ia Šmanaj: Adčuvaju siabie maskvičkaj
Darja Šmanaj u viasielnaj sukiency źniałasia ŭ klipie praŭładnaha vykanaŭcy. Aŭtarka pieśni — niaviestka Łukašenki
Darja Šmanaj atrymała aficyjnaje pryznačeńnie
Šmanaj taksama kupiła apartamienty koštam kala $150 tysiač. Jaje susiedka — lehiendarnaja Halina Žuraŭkova
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary