Dziaržsakratar ZŠA Entani Blinkien u piatnicu pravioŭ razmovu ź ministram zamiežnych spraŭ Rasiei Siarhiejem Łaŭrovym, paviedamiŭ karespandent ahienctva Rejter u Dziarždepartamiencie Chumiejra Pamuk.
Heta pieršaja razmova kiraŭnikoŭ dypłamatyčnych viedamstvaŭ Rasii i ZŠA paśla pačatku 24 lutaha poŭnamaštabnaha ŭvarvańnia rasijskaj armii na terytoryju Ukrainy.
Jak piša Pamuk, Blinkien cisnuŭ na Łaŭrova, sprabujučy prymusić Maskvu pryniać prapanovu ZŠA pa vyzvaleńni amierykanskich hramadzian — baskietbalistki Brytni Hrajnier i eks-marpiecha Poła Uiłana, jakija znachodziacca tam u źniavoleńni.
Napiaredadni paviedamlałasia, što Blinkien maje namier prapanavać Łaŭrovu vyzvalić amierykancaŭ, abmianiaŭšy ich na rasijskaha biznesoŭca Viktara Buta, jaki znachodzicca ŭ źniavoleńni ŭ ZŠA.
Letam 2020 hoda Uiłan byŭ asudžany da 16 hadoŭ kałonii pa abvinavačvańni ŭ špijanažy. Dvuchrazovaja alimpijskaja čempijonka Hrajnier była zatrymanaja ŭ aeraporcie «Šaramiećcieva» ŭ lutym. Jaje abvinavačvajuć u kantrabandzie narkotykaŭ, pakolki ŭ jaje bahažy znajšli hašyšny alej dla viejpa.
Rasijanin Viktar But byŭ u 2011 hodzie pryznany vinavatym u niezakonnym handli zbrojaj i asudžany da 25 hadoŭ pazbaŭleńnia voli.
-
«Jon u žachlivym stanie». Adam Kadyraŭ trapiŭ u avaryju niedaloka ad Doma ŭračystaściej u Pucinskim rajonie
-
Daradca Trampa: Terytoryju Hrenłandyi moža kantralavać tolki toj, chto zdolny jaje abaranić, a Danija zanadta słabaja dla hetaha
-
Syn iranskaha šacha Reza Piechlevi zaklikaje da dalejšych pratestaŭ
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary