Дзяржсакратар ЗША Энтані Блінкен у пятніцу правёў размову з міністрам замежных спраў Расеі Сяргеем Лаўровым, паведаміў карэспандэнт агенцтва Рэйтэр у Дзярждэпартаменце Хумейра Памук.
Гэта першая размова кіраўнікоў дыпламатычных ведамстваў Расіі і ЗША пасля пачатку 24 лютага поўнамаштабнага ўварвання расійскай арміі на тэрыторыю Украіны.
Як піша Памук, Блінкен ціснуў на Лаўрова, спрабуючы прымусіць Маскву прыняць прапанову ЗША па вызваленні амерыканскіх грамадзян — баскетбалісткі Брытні Грайнер і экс-марпеха Пола Уілана, якія знаходзяцца там у зняволенні.
Напярэдадні паведамлялася, што Блінкен мае намер прапанаваць Лаўрову вызваліць амерыканцаў, абмяняўшы іх на расійскага бізнэсоўца Віктара Бута, які знаходзіцца ў зняволенні ў ЗША.
Летам 2020 года Уілан быў асуджаны да 16 гадоў калоніі па абвінавачванні ў шпіянажы. Двухразовая алімпійская чэмпіёнка Грайнер была затрыманая ў аэрапорце «Шарамеццева» ў лютым. Яе абвінавачваюць у кантрабандзе наркотыкаў, паколькі ў яе багажы знайшлі гашышны алей для вейпа.
Расіянін Віктар Бут быў у 2011 годзе прызнаны вінаватым у незаконным гандлі зброяй і асуджаны да 25 гадоў пазбаўлення волі.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро13
Каментары