Usierasijski centr vyvučeńnia hramadskaj dumki (UCVHM) pradstaviŭ vyniki apytańnia pra navukovyja pamyłki rasijan.
Tak, kožny treci rasijanin pierakanany, što Sonca krucicca vakoł Ziamli (35%), za 15 hadoŭ pakazčyk vyras na 7 p.p.
U toj ža čas tolki 12% pahadzilisia z tym, što abarot vakoł Sonca Ziamla ździajśniaje za adzin miesiac (2007 h. — 14%; 2011 h. — 20%).
Vykazvańnie ab radyjacyi vyklikała mienš ciažkaściaŭ. Sa śćviardžeńniem, što radyjeaktyŭnaje małako možna zrabić biaśpiečnym, kali jaho prakipiacić, pahadzilisia tolki 7%. Heta ŭ 2 razy mienš, čym 15 hadoŭ tamu (2007 h. — 14%).
U toje, što pieršabytnyja ludzi mahli hulać pobač z dynazaŭrami, vieryć kožny piaty (21%), u 2007 h. takich była tracina (30%).
Davoli vysokaja dola pamyłkovych adkazaŭ na pytańni pra HMA. Ź mierkavańniem, što pradukty z HMA mohuć vyklikać rak, pahadzilisia 44% rasijan (— 23 p.p. da 2014 h.). Na dumku 32% apytanych, hienna madyfikavanyja pradukty zmohuć pieramahčy hoład na ziamli (— 6 p. p. da 2014 h.).
Razam z tym, paviedamlaje UCVHM, ahulny ŭzrovień navukovaj piśmiennaści nasielnictva pastupova raście. Daśledavańnie pakazała, što nievysoki ŭzrovień navukovaj piśmiennaści majuć 21% rasijan, siaredni ŭzrovień — 44%, vysoki ŭzrovień — 35%. U bolšaj stupieni na navukovuju piśmiennaść upłyvajuć adukacyja, miedyjaspažyvańnie, uzrost, pamier nasielenaha punkta, što łahična i całkam vytłumačalna.
Rasijan ź nievysokim uzroŭniem navukovaj piśmiennaści adroźnivaje starejšy ŭzrost (60+); aktyŭny prahlad televizara (43%); pražyvańnie ŭ vioscy (32%); adukacyja na ŭzroŭni siaredniaj i nižejšaj (31-55%).
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary