Ź pitonam i Mieładze. Jak pry rektary Kazulinie ŭ BDU adznačali Novy hod ŠMAT FOTA
U instahramie @backtobelarus źjaviŭsia nastalhičny dopis pra navahodni karparatyŭ Biełaruskaha dziaržaŭnaha ŭniviersiteta ŭ 2000 hodzie. Dla vykładčykaŭ śpiavali hurt Smokie i Valeryj Mieładze, taksama było varjete i aholenyja mužčyny z hihanckim pitonam.
Centralnaj zorkaj śviata byŭ tahačasny rektar Alaksandr Kazulin — na fota jon niby piersanaž Leanarda Dy Kaprya ŭ «Vialikim Hetśbi».
U ličbavym archivie BDU znajšlisia fota z karparatyvaŭ inšych hadoŭ, na jakich taksama było šmat čaho cikavaha. Nieviadoma, ci ładzilisia takija šykoŭnyja śviaty da i paśla Kazulina, prynamsi, u archivie takich źviestak niama.
U 1999-m u Minsku vystupali Juryj Antonaŭ i Filip Kirkoraŭ.
Praz hod na šykoŭnaje śviata zaprasili brytanski hurt Smokie, śpievaka Valeryja Mieładze i humarysta Michaiła Jeŭdakimava.
U 2001 hodzie ŭ Minsk pryjechaŭ epatažny Valeryj Lavonćjeŭ.
Alaksandr Kazulin uznačalvaŭ hałoŭnuju VNU krainy z 1996 pa 2003 hod. Taksama niekatory čas jon uvachodziŭ va urad Biełarusi ŭ jakaści staršyni Rady rektaraŭ VNU Biełarusi, člena Prezidyuma Nacyjanalnaj akademii navuk.
U 2003 hodzie straciŭ pasadu rektara ŭ vyniku skandała vakoł pradpryjemstva «Unidrahmiet BDU», adkul skrali amal 35 ton zołata.
Praz try hady byŭ kandydatam u prezidenty Biełarusi, paśla vybaraŭ byŭ zatrymany i asudžany na 5,5 hoda. U 2008-m byŭ pamiłavany ŭkazam Łukašenki.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek2
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary