Biełaruś pakazała ŭ Rasii makiet reaktyŭnaha ŭdarnaha bieśpiłotnika
Kampanija «Biełtechekspart», padviedamasnaja biełaruskamu Dziaržkamvajenpramu, pakazała na forumie «Armija-2022» u Padmaskoŭi poŭnapamierny makiet reaktyŭnaha ŭdarnaha bieśpiłotnika «Bierkut», zdolnaha nieści da 10 kh karysnaj nahruzki. Pra heta piša TASS sa spasyłkaj na pradstaŭnika kampanii.
«Srodki paražeńnia — pa žadańni zamoŭcy, — raskazaŭ pradstaŭnik «Biełtechekspartu». — Ruchavik — biełaruski». Pavodle jahonych słoŭ, bieśpiłotnik užo vykonvaŭ vyprabavalnyja paloty.
«Bierkut» abstalavany reaktyŭnym ruchavikom i zdolny raźvivać chutkaść da 360 km/h. Jahonaja masa — 34 kh. Paśla vykanańnia zadańnia latajučy aparat robić pasadku na parašucie.
Taksama na stendzie «Biełtechekspartu» pradstaŭleny madeli ŭdarnych BŁA «Łoŭčy», «Kondar», bieśpiłotnika-kamikadze «Čakan».
U 2020 hodzie kampanija «Biełtechekspart» trapiła pad sankcyi Jeŭrasajuza, a ŭ 2021-m — ZŠA.
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
pad Lepielem?