Sałaŭjoŭ vybačyŭsia pierad Viktoryjaj Boniaj, ale admoviŭsia vybačacca pierad Miełoni
Efir z papularnaj rasijskaj błohierkaj Viktoryjaj Boniaj prapahandyst Uładzimir Sałaŭjoŭ pravioŭ paśla taho, jak Kreml dobrazyčliva adhuknuŭsia pra jaje zvarot da Pucina. Da taho Sałaŭjoŭ nazvaŭ jaje «paciohanaj šałavaj», jakoj nielha «adkryvać svoj brudny rot». A voś vybačacca pierad Miełoni Sałaŭjoŭ admoviŭsia.
Rasijski prapahandyst Uładzimir Sałaŭjoŭ prynios prabačeńni madeli i błohiercy Viktoryi Boni, što žyvie ŭ Manaka. Nadzvyčaj papularnaja błohierka zapisała zvarot da Uładzimira Pucina «ad imia naroda».
Sałaŭjoŭ z abrazami raskrytykavaŭ toj zvarot. Ale niečakana pres-sakratar Pucina Dźmitryj Piaskoŭ skazaŭ, što Kreml uvažliva vyvučaje zvarot Boni.
«Pa-pieršaje, vy cudoŭna vyhladajecie. Pa-druhoje: tak, viadoma, ja pavinien paprasić prabačeńnia. Vy absalutna majecie racyju. Viadoma, ja byŭ zanadta emacyjny, i viadoma, jakaja b ni była matyvacyja taho, pra što i čamu ja tak kazaŭ — viadoma, mnie treba było značna bolš stroha stavicca da svaich słoŭ», — skazaŭ prapahandyst.
Pavodle jaho słoŭ, «šalenstva» ŭ jaho vyklikali słovy Boni pra toje, što Uładzimira Pucina bajacca — tamu što ich padchapili zachodnija miedyja, ale prezidenta ŭ Rasii nasamreč narod lubić, a nie baicca, skazaŭ Sałaŭjoŭ.
«Ja rada, što vy paprasili prabačeńnia», — skazała Bonia i paprasiła paprasić prabačeńnia ŭ premjerki Italii Džordžy Miełoni. Sałaŭjoŭ nazyvaŭ jaje šł**aj» i «fašysckaj niečyściu».
Prapahandyst admoviŭsia.
«Vy razvažajecie pra jaje jak pra žančynu. Ale chiba jana nie premjer-ministr Italii? Ja jaje naohuł nie abražaju jak žančynu. Heta pytańnie palityčnaje», — skazaŭ Sałaŭjoŭ.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary
siadzić sučka(vulf sałaujou)
na parozie ,
a jon breŝa ,
ceły dzień,
zarablaje trudadzień.
Pry ŭsioj svajoj miarzotnaści Kiryjenka i jahonaja kamanda - publika dosyć razumnaja i ŭ palitałahičnym sensie vielmi adukavanaja. Vyśviatliŭšy, što zvarot Boni jak śniežny kom pačynaje akumulavať niezadavolenaść šmatlikimi ambiežavańniami i abyjakavaściu ŭłady da patrebaŭ "šerahovaha rasiejca", Kiryjenka zapuściŭ u hulniu Sałaŭjova, Miłonava i Lebiedzieva z asabistymi i ahulnaseksisckimi vypadami na adras Boni. I taja klunuła. U vyniku zvarot Boni pieratvaryŭsia ŭ zvyčajnuju svarku sielebrytiz z ŠI-rolikami i vydatny siužet dla małachaŭskaha šoŭ "Chaj havorać". Publika chutka pieraklučyła ŭvahu na svarku Boni i Sałaŭjova, a pra pieršapačatkovyja prablemy ŭsie zabyli.
U vyniku Pucin vystupiŭ pierad deputatami (jakija ničoha nie vyrašajuć), maŭlaŭ nie pierabolšvajcie z abmiežavańniami. A debaty Sałaŭjova i Boni stali kančatkovaj hańbaj dla Boni, chaj pad čas debataŭ jana i sprabavała trymać kryvy i niezadavoleny tvar. Pry adsutnaści maderatara tyja debaty pieratvarylisia ŭ demahahičny manałoh Sałaŭjova i paŭvybačeńni kšałtu "tak, ja sapraŭdy krychu pierabolšyŭ na vaš adras, ale ž čas hetki".
U hetaj suviazi u čarhovy raz chočacca ŭzhadać słušnaść pavodzinaŭ Cichanoŭskaj, jakaja nikoli nie adkazvaje na šmatlikija sproby ŭciahnuć jaje ŭ padobnyja biezvynikovyja svarki, kab aćciahnuć ŭvahu i palityčnuju enierhiju hramadctva na niahodnyja prablemy.