Toje, što adbyvajecca, źjaŭlajecca kulminacyjaj składanaha i praciahłaha pieramoŭnaha pracesu pamiž KDB Biełarusi i Ahienctvam raźviedki Polščy, jaki ažyćciaŭlaŭsia pa pramym daručeńni Łukašenki, piša BiełTA.
Zaznačajecca, što pieramovy pačalisia jašče ŭ vieraśni 2025 hoda. Adpraŭnoj kropkaj dla ich arhanizacyi staŭ zvarot da Łukašenki asobnych lidaraŭ družalubnych aficyjnamu Minsku krain. Łukašenka daŭ daručeńni Kamitetu dziaržaŭnaj biaśpieki i asabista ŭdzielničaŭ u abmierkavańni detalaŭ abmienu padčas dvuchbakovych kantaktaŭ z našymi sajuźnikami.
U vyniku apieracyi dziesiać hramadzian roznych krain byli vyzvaleny i atrymali mahčymaść uźjadnacca ź siemjami.
«Siarod vyzvalenych u tym liku hramadzianie Biełarusi, jakija vykonvali asabliva važnyja zadańni ŭ intaresach zabieśpiačeńnia nacyjanalnaj biaśpieki i abaranazdolnaści našaj krainy. Los hetych ludziej na ŭsich etapach ich dziejnaści znachodzicca na asablivym kantroli ŭ Alaksandra Łukašenki», — paviedamiła BiełTA.
Z ulikam asabistaj prośby da Łukašenki maci Andžeja Pačobuta, jaki adbyvaje pakarańnie za ździajśnieńnie šerahu asabliva ciažkich złačynstvaŭ, a taksama Anžaliki Borys, Łukašenka daručyŭ KDB uklučyć asudžanaha ŭ hety abmienny praces.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary