Niahledziačy na pahrozu rakietnych udaraŭ, premjer-ministr Vialikabrytanii Barys Džonsan u Dzień niezaležnaści Ukrainy pryjechaŭ u Kijeŭ. Tam Džonsan abviaściŭ ab vydzialeńni Ukrainie novaha pakieta vajennaj dapamohi ŭ pamiery 54 młn funtaŭ sterlinhaŭ.
Novy pakiet dapamohi dapaŭniaje padrychtoŭku Vialikabrytanijaj transpartnych srodkaŭ dla pošuku minaŭ u vodach la svajho ŭźbiarežža. U najbližejšyja tydni ŭkrainski piersanał navučać ich vykarystoŭvać u vodach Vialikabrytanii.
U vajennuju dapamohu ŭvachodziać bieśpiłotnyja sistemy nazirańnia i supraćtankavyja bojeprypasy. Heta, u pryvatnaści, 850 ručnych mikradronaŭ Black Hornet, jakija śpiecyjalna raspracavanyja dla vykarystańnia ŭ haradach i siołach i pryznačanyja dla vyjaŭleńnia siłaŭ praciŭnika, jakija nabližajucca.
Kamientary