U Rasii pravodziać paraleli pamiž dziejańniami Rasii va Ukrainie i ZŠA — u Iranie. Maŭlaŭ, tam śpiecyjalnaja vajennaja apieracyja i tam. Tam meta demilitaryzacyja i tam — źniščeńnie rakietnaj prahramy. Tak, i tam i tam — pytańnie intaresaŭ vialikich dziaržaŭ. I tak, dla administracyi Trampa demakratyja sprava dvaccać piataja. Ale jość i piać vialikich adroźnieńniaŭ, piša Mikoła Buhaj.
Iran nie chavaŭ: jaho meta — źniščyć Izrail. A Ukraina nie napadała na Rasiju i nie staviła mety źniščyć Rasiju. Zaŭsiody ž važna, chto pieršy pačaŭ, tak?
Druhoje. Ni ZŠA, ni Izrail nie chočuć dałučyć Iran ci jaho častki — prynamsi, budziem spadziavacca. A ŭ Rasii mienavita heta hałoŭnaja zadača. Zahrabastali Krym, akupavali Danbas, a chacieli b až da Roŭna dajści.
Treciaje. Iran ź Izrailem abmieńvajucca ŭdarami daŭno i ŭvieś čas, heta daŭniaja vajna, z proksi i biez proksi. A Rasija ŭdaryła pa Ukrainie vierałomna. Choć i nazyvała «brackim narodam» i padpisała damovy i miemarandum.
Čaćviortaje. Iran realna raspracoŭvaŭ jadziernuju zbroju i balistyčnyja rakiety. Ničoha takoha Ukraina nie rabiła ni da 14-ha, ni da 22‑ha hoda. Niekatoryja ličać ciapier: moža i darma.
I apošniaje: u Iranie ZŠA i Izrail pakazali svaju siłu. Va Ukrainie Rasija — svaju słabaść.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior16
Kamientary
Jakaja miłata.