Homielskija čynoŭniki vydalili spravazdaču, u jakoj vypadkova pryznali masavyja rasstreły ŭ 1937-m
Niadaŭna homielskaje Upraŭleńnie kapitalnaha budaŭnictva apublikavała spravazdaču ab acency ŭździejańnia na navakolnaje asiarodździe budaŭnictva darohi. Na schiemie byli abaznačanyja dźvie brackija mahiły achviar stalinskich represij 1937 hoda.
Paźniej čynoŭniki i dziaržaŭnyja haziety stali asprečvać hetuju infarmacyju. Narakali na pamyłki prajekciroŭščykaŭ i pierakonvali, što rasstreły 1930-ch — drobiaź u paraŭnańni z tym, što rabili nacysty, a tamu nie vartyja ŭvahi.
Ciapier spravazdaču z sajta vydalili naohuł.
U arhanizacyi «Ekadom» źviartajuć uvahu na toje, što ŭtojvańnie infarmacyi — heta parušeńnie zakona, miascovyja žychary majuć prava źviarnucca ŭ prakuraturu. Hramadzianam pavinien być zabiaśpiečany dostup da spravazdačy ab acency ŭździejańnia na navakolnaje asiarodździe, dakumient musić raźmiaščacca na aficyjnym sajcie miascovych orhanaŭ (heta prapisana ŭ Pałažeńni ab paradku arhanizacyi i praviadzieńnia hramadskich abmierkavańniaŭ prajektaŭ ekałahična značnych rašeńniaŭ, pryniatym Pastanovaj Saŭmina ad 14 červienia 2016 hoda №458).
Homielskija ŭłady vypadkova paćvierdzili masavyja rasstreły ŭ 1937 hodzie. A ciapier apraŭdvajucca, kažučy, što heta pamyłka
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ16
Kamientary