U Kapylskim muziei budzie zachoŭvacca kalekcyja starych maniet, jakija kanfiskavali pry sprobie nielehalna vyvieźci ź Biełarusi
111 staražytnych maniet časoŭ VKŁ i Rečy Paspalitaj, kanfiskavanyja minskimi mytnikami pry ich niezakonnym vyvazie z Biełarusi, ciapier buduć pradstaŭlenyja ŭ ekspazicyi Kapylskaha rajonnaha krajaznaŭčaha muzieja. Kalekcyja maje ahulny košt u bolš čym 43 tysiačy rubloŭ, paviedamlaje kurjer.info.
Žychar stalicy, jaki nakiroŭvaŭsia z Nacyjanalnaha aeraporta «Minsk» avijarejsam «Minsk—Stambuł», sprabavaŭ niezakonna vyvieźci maniety, schavaŭšy ich ad mytnaha kantrolu ŭ bahažy i asabistych rečach. Ekśpierty mytnaj łabaratoryi ŭstanavili, što padadzienyja na daśledavańnie pradmiety adnosiacca da katehoryi kulturnych kaštoŭnaściaŭ.
Bolšaja častka maniet — heta «trajaki», adčakanienyja sa srebra na manietnych dvarach VKŁ i Rečy Paspalitaj u XVI-XVII stahodździach. Samaj kaštoŭnaj i darahoj źjaŭlajecca manieta 1580 hoda z partretam karala Stefana Batoryja koštam kala 6 tysiač rubloŭ. Samaja staraja manieta adčakanienaja ŭ 1556 hodzie pry vialikim kniazi litoŭskim Žyhimoncie II Aŭhuście. Jaje košt — kala 5 tysiač rubloŭ. Častka maniet adčakanienaja ŭ Rasijskaj impieryi ŭ pieršaj pałovie XIX stahodździa.
Čałaviek, jaki mieŭ namier vyvieźci ich z krainy, rašeńniem suda Kastryčnickaha rajona Minska pryznany vinavatym u ździajśnieńni administracyjnaha pravaparušeńnia pavodle č. 2 art. 15.1 Kodeksa ab administratyŭnych pravaparušeńniach, a kulturnyja kaštoŭnaści ŭ jaho kanfiskavanyja. Dalejšym miescam zachoŭvańnia historyka-kulturnych kaštoŭnaściej staŭ Kapylski rajonny krajaznaŭčy muziej.
Kolkaść kanfiskavanych mytnymi orhanami pradmietaŭ sa statusam historyka-kulturnaj kaštoŭnaści za 2021 hod — 643 adzinki. Siarod ich ikony, maniety, miedali, mebla i pradmiety interjeru. Sioleta ŭžo kanfiskavanyja 123 pradmiety, u ich liku knihi, maniety, ikony, statuetki, pryznanyja historyka-kulturnymi kaštoŭnaściami.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary