Nastaŭnicu, jakuju viasnoj aštrafavali za žoŭta-błakitnyja stužački ŭ vałasach, zvolnili z pracy
«Uviesnu kazali, što praciahvajuć kantrakt, bo pa zakonu, kali jość dzieci da piaci hod, nielha pazbaŭlać mahčymaści ŭtrymlivać siamju. Ale ŭ druhoj pałovie leta, ja tak razumieju, pačali dziejničać zakony inšyja. Vynik — ja šukaju pracu», napisała Łarysa Siekieržyckaja ŭ Fejsbuku.
U sakaviku Łarysu Siekieržyckuju, nastaŭnicu historyi z Babrujska, za salidarnaść z Ukrainaj aštrafavali na 70 bazavych vieličyniaŭ (2240 rubloŭ). Babrujski sud pryznaŭ nastaŭnicu siaredniaj škoły № 27 vinavataj u parušeńni paradku arhanizacyi abo praviadzieńnia masavaha mierapryjemstva.
Usia jaje vina była ŭ tym, što ŭ pryčoscy miełasia žoŭta-błakitnaja stužačka. Mienavita ŭ hetym milicyja i sud uhledzieli prykmiety «praviadzieńnia niesankcyjanavanaha masavaha mierapryjemstva». Siekieržyckuju zatrymali na pracoŭnym miescy, a milicyju vyklikała ŭ škołu jaje administracyja.
Piedahoh maje 17-hadovy pracoŭny staž, jaje śpiecyjalizacyja: historyja Biełarusi, suśvietnaja historyja i hramadaznaŭstva.
«Zaniatki mahu pravodzić anłajn na biełaruskaj i ruskaj movach, dapamahu padciahnuć viedy, bolš hruntoŭna padrychtavacca da ekzamienu, CT. Budu ŭdziačna za repost. Vieru ŭ moc piaci pociskaŭ ruki. Pišycie ŭ pryvat, kali jość prapanovy», — adznačyła Siekieržyckaja sa spadzievam, što jość achvotnyja skarystacca ź jaje nastaŭnickaha dośviedu.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary