Ukrainski vice-premjer Volha Stefanišyna raspaviała, što ŭ apošnija dni Rasija nastojliva prapanoŭvała Kijevu adnavić mirnyja pieramovy.
«Byli publičnyja i niepubličnyja sproby ad roznych hrup aficyjnych rasijskich asob, — skazała jana ŭ intervju telekanału France-24. — Ukraina nikoli nie adychodziła ad pieramovaŭ. Ale, uličvajučy ciažar złačynstvaŭ, jakija Rasija ŭčyniła na našaj ziamli i praciahvaje ździajśniać štomiesiac, ryčahi dla pieramovaŭ adroźnivajucca ad tych, što byli ŭ lutym», — skazała Stefanišyna.
Jana miarkuje, što rasijanie ciapier prapanujuć pieramovy, kab spynić prasoŭvańnie ŭkrainskich vojskaŭ. U apošni tydzień ukrainskaja armija pierajšła ŭ kontrnastupleńnie i vyzvaliła dziasiatki nasielenych punktaŭ u Charkaŭskaj vobłaści, u tym liku stratehična važnyja Izium i Bałakleju.
«My nie budziem udzielničać u hetym scenaryi, — zapeŭniła vice-premjerka. — My spadziavajemsia, što razam z našymi partniorami my zdolejem uvasobić naš vajskovy i dypłamatyčny paradak dnia i budziem hatovyja da pieramovaŭ, kali budzie zručny momant dla Ukrainy».
Na jaje dumku, situacyju, jakaja skłałasia, treba vykarystoŭvać dla deakupacyi ŭkrainskich terytoryj.
«I potym my budziem hatovyja da pieramovaŭ, jakija buduć hruntavacca nie na rasijskich ultymatumach, a na čymści, što dazvolić nie tolki skončyć vajnu, ale i praduchilić nastupnuju vajnu na našaj ziamli, kali Rasija budzie zdolnaja adnavić reziervy», — padsumavała Stefanišyna.
Na dniach ministr zamiežnych spraŭ Rasii Siarhiej Łaŭroŭ taksama zakranaŭ temu mirnych pieramovaŭ. «My nie admaŭlajemsia ad pieramovaŭ, ale tyja, chto admaŭlajecca, pavinny razumieć, što čym daŭžej jany zaciahvajuć hety praces, tym składaniej im budzie z nami damaŭlacca», — skazaŭ jon, spasyłajučysia na prezidenta Pucina.
Kamientary