Украінскі віцэ-прэм'ер Вольга Стэфанішына распавяла, што ў апошнія дні Расія настойліва прапаноўвала Кіеву аднавіць мірныя перамовы.
«Былі публічныя і непублічныя спробы ад розных груп афіцыйных расійскіх асоб, — сказала яна ў інтэрв'ю тэлеканалу France-24. — Украіна ніколі не адыходзіла ад перамоваў. Але, улічваючы цяжар злачынстваў, якія Расія ўчыніла на нашай зямлі і працягвае здзяйсняць штомесяц, рычагі для перамоваў адрозніваюцца ад тых, што былі ў лютым», — сказала Стэфанішына.
Яна мяркуе, што расіяне цяпер прапануюць перамовы, каб спыніць прасоўванне ўкраінскіх войскаў. У апошні тыдзень украінская армія перайшла ў контрнаступленне і вызваліла дзясяткі населеных пунктаў у Харкаўскай вобласці, у тым ліку стратэгічна важныя Ізюм і Балаклею.
«Мы не будзем удзельнічаць у гэтым сцэнарыі, — запэўніла віцэ-прэм'ерка. — Мы спадзяваемся, што разам з нашымі партнёрамі мы здолеем увасобіць наш вайсковы і дыпламатычны парадак дня і будзем гатовыя да перамоваў, калі будзе зручны момант для Украіны».
На яе думку, сітуацыю, якая склалася, трэба выкарыстоўваць для дэакупацыі ўкраінскіх тэрыторый.
«І потым мы будзем гатовыя да перамоваў, якія будуць грунтавацца не на расійскіх ультыматумах, а на чымсьці, што дазволіць не толькі скончыць вайну, але і прадухіліць наступную вайну на нашай зямлі, калі Расія будзе здольная аднавіць рэзервы», — падсумавала Стэфанішына.
На днях міністр замежных спраў Расіі Сяргей Лаўроў таксама закранаў тэму мірных перамоваў. «Мы не адмаўляемся ад перамоваў, але тыя, хто адмаўляецца, павінны разумець, што чым даўжэй яны зацягваюць гэты працэс, тым складаней ім будзе з намі дамаўляцца», — сказаў ён, спасылаючыся на прэзідэнта Пуціна.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары