Kačanava znajšła najvažniejšuju nacyjanalnuju skrepu biełarusaŭ
Staršynia Savieta Respubliki vykazałasia nakont śviatkavańnia Dnia baćki.
«Dzień baćki — heta samaje maładoje ŭ našaj krainie śviata. Inicyjatyva ab ustanaŭleńni prahučała padčas zvarotu prezidenta z štohadovym Pasłańniem biełaruskamu narodu i Nacyjanalnamu schodu 28 studzienia 2022 hoda. U červieni kiraŭnik dziaržavy svaim ukazam zasnavaŭ Dzień baćki ŭ metach umacavańnia instytuta siamji i pavyšeńnia značnaści baćkoŭstva ŭ vychavańni dziaciej. Data śviata — 21 kastryčnika — abranaja nie vypadkova. U Biełarusi skłałasia šmathadovaja tradycyja — adznačać 14 kastryčnika Dzień maci, a Dzień baćki zavieršyć tydzień, pryśviečany baćkam. U hety čas va ŭsich rehijonach krainy buduć pravodzicca mierapryjemstvy, nakiravanyja na papularyzacyju tradycyjnych siamiejnych kaštoŭnaściaŭ i ŭ cełym siemji jak najvažniejšaj nacyjanalnaj skrepy biełarusaŭ, — skazała Natalla Kačanava. — Pra rolu baćki ŭ siamji, u žyćci kožnaha čałavieka my viedajem nie pa čutkach. Być baćkam — heta vialikaja praca i adkaznaść i ŭ toj ža čas — hałoŭnaja žyćciovaja ŭznaharoda dla mužčyny».
Jana taksama adznačyła, što heta vialiki honar być kiraŭnikom siamji.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary