«Budziem pracavać nad tym, kab heta arhanizavać».
Siońnia śpiecpradstaŭnik Trampa Džon Koŭł sustrakaŭsia z Alaksandram Łukašenkam. Paśla sustrečy Koŭła padviali da łukašenkaŭskaha puła raskazać pra sustreču.
Koŭł skazaŭ, što jany abmiarkoŭvali mahčymuju pajezdku Łukašenki ŭ ZŠA: «Budziem pracavać nad tym, kab heta arhanizavać».
«Prezident Tramp pastajanna adhukajecca pra prezidenta Łukašenku jak pra svajho dobraha siabra, pavažanaha suśvietnaha lidara», — skazaŭ jon.
Koŭł paviedamiŭ, što Tramp zaprasiŭ Łukašenku pryniać udzieł u nastupnych pasiadžeńniach Rady miru.
«Niejki čas tamu my byli rasčaravanyja tym, što prezident Łukašenka nie zmoh pryjechać na pasiadžeńnie Rady miru, što niadaŭna adbyłasia ŭ Vašynhtonie. Ale prezident Tramp zaprasiŭ prezidenta Łukašenku paŭdzielničać u lubych inšych pasiadžeńniach Rady miru. My abmierkavali hetaje pytańnie. Prezident Łukašenka paćvierdziŭ, što jon voźmie ŭdzieł u adnym z pasiadžeńniaŭ Rady miru», — zajaviŭ śpiecpasłańnik ZŠA.
Koŭła spytali, ci varta ŭ karotkaterminovaj pierśpiektyvie čakać pramoha dvuchbakovaha kantaktu pamiž Łukašenkam i Trampam, ci to asabistaj sustrečy, ci to telefonnaj razmovy.
«Tak», — adkazaŭ Džon Koŭł.
Taksama Koŭł skazaŭ, što z Łukašenkam jany havaryli pra adnosiny Biełarusi i ZŠA. «Abmiarkoŭvali taksama toje, što dumaje pra vajnu ŭ Iranie Biełaruś, toje, što dumajuć ZŠA. I jakim čynam hetaja situacyja vyrašycca», — raskazaŭ Koŭł.
I jašče dadaŭ kamplimientaŭ Łukašenku:
«Vielmi kaštoŭna zaŭsiody atrymlivać mierkavańnie prezidenta Biełarusi. Tamu što heta zusim inšaje mierkavańnie ŭ paraŭnańni z tym, što my možam atrymać na Zachadzie. Heta vielmi kaštoŭna dla nas. Ja abaviazkova pieradam usio, što my tut siońnia abmiarkoŭvali, u ZŠA».
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam19
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj
Kamientary