Hulec «Hałatasaraja» straciŭ častku palca paśla sutyknieńnia z rekłamnym ščytom u matčy Lihi čempijonaŭ
Kab nie ŭpaści, Noa Łanh padstaviŭ ruku — z-za mocnaha sutyknieńnia častku palca litaralna adsiekła ab kut ščyta.
26‑hadovy niderłandski forvard tureckaha kłuba Noa Łanh straciŭ častku palca padčas adkaznaha matču 1/8 finału Lihi čempijonaŭ suprać «Livierpula» (0:4), piša Sport.ua.
Za 10 chvilin da zakančeńnia asnoŭnaha času pajadynku forvard nie zdoleŭ zachavać miač u poli, sam straciŭ raŭnavahu i sutyknuŭsia z rekłamnym ščytom. Kab nie ŭpaści, Noa padstaviŭ ruku — z-za mocnaha sutyknieńnia častku palca litaralna adsiekła ab kut ščyta.
Z-za hetaha incydentu Łanh na niekalki siekund straciŭ prytomnaść. Miedyki chutka vybiehli na dapamohu, a zamiest Noa na pole vyjšaŭ Maura Ikardzi.
Paśla zaviaršeńnia sustrečy niderłandca adpravili ŭ balnicu na apieracyju.
«Livierpul» vyjhraŭ supraćstajańnie ŭ «Hałatasaraja» z ahulnym likam 4:1 i ŭ čverćfinale hałoŭnaha jeŭrakubka pazmahajecca z francuzskim PSŽ.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary