«Nie pajedu va Ukrainu, nie budu stralać». U Rasii zaviali pieršuju kryminalnuju spravu za admovu mužčyny jechać na vajnu
U Rasii zaviali pieršuju kryminalnuju spravu ab samavolnym pakidańni čaści mabilizavanym. Pra heta zajaviŭ rasijski juryst, pravaabaronca i hramadski dziejač, staršynia Mižnarodnaj pravabarončaj hrupy Pavieł Čykaŭ. «Ni ŭ jakuju Ukrainu nie pajedu, nie budu stralać», — pryvioŭ Čykaŭ słovy abvinavačanaha ŭ svaim telehram-kanale.
Čykaŭ dadaŭ, što paśla hetych słoŭ mabilizavanamu pahražali raspravaj i kryminalnaj adkaznaściu. Paśla hetaha jon źbieh z čaści praź dzirku ŭ płocie.
Juryst paviedamiŭ, što na žychara Jakucii, pryzvanaha pa mabilizacyi, jaki paśla samavolna pakinuŭ vajskovuju čaść u Buracii, kudy jon byŭ dastaŭleny z vajennaha kamisaryjata, raspačali kryminalnuju spravu pa častcy 2.1 artykuła 337 KK RF. Jaho šukajuć pravaachoŭnyja orhany.
Raniej paviedamlałasia, što ŭ Rasii zaviali pieršuju kryminalnuju spravu za ŭchileńnie ad mabilizacyi, padazravanaha zatrymaŭ AMAP. Mužčyna admoviŭsia raśpisvacca na poźvie, uručanaj jamu vajenkamatam.
Kamientary