Lidara «Zialonych» Źmitra Kučuka ŭ kałonii pastavili ŭ «nizki status»
Lidara «Zialonych» zatrymali za kvietki ŭ pamiać pra Navalnaha. Jon pravioŭ za kratami paŭtara hoda. Pa vyzvaleńni atrymaŭ kvietku ad paplečnikaŭ. U efiry «Biełsata» jon raskazaŭ pra ździeki ź jaho ŭ kałonii.
16 lutaha 2024 hoda Źmicier Kučuk išoŭ da ambasady Rasii, kab uskłaści kvietki i takim čynam ušanavać pamiać rasijskaha apazicyjnaha lidara Alaksieja Navalnaha, jakoha daviali da śmierci abo prosta zabili ŭ rasijskaj kałonii.
Kučuka zatrymali i ŭ vyniku asudzili za «Arhanizacyju dziejańniaŭ, jakija hruba parušajuć hramadski paradak» i «Zakliki da sankcyjaŭ» na 6 hadoŭ kałonii ahulnaha režymu.
Zaraz Kučuk źbirajecca viarnucca da partyjnaj dziejnaści, choć za kratami było vielmi ciažka, raskazaŭ jon «Biełsatu».
«Čatyry haładoŭki, u «adzinočcy» litaralna siem miesiacaŭ, mnie tam niejki «nizki status» dali — skazali, što ja typu ŭ Biełarusi ŭznačalvaŭ ŁHBT-supolnaść. Byli takija katavańni, što prosta…» — Kučuk razhubiŭsia, što skazać dalej.
«Nizki status» u biełaruskaj kałonii — heta nižejšaja prystupka turemnaj ijerarchii: źniavolenamu vydumlajuć prynižalnyja praviły, izalujuć ad inšych, cisnuć i dyskryminujuć značna bolš za inšych. Heta najhoršy stan za kratami.
Toje, što lidara «Zialonych» zaličyli ŭ «lidary ŁHBT», nie ździŭlaje: dziaržaŭnaja prapahanda miašaje ŭ adno ŁHBT, źmienu połu, admovu ad zaviadzieńnia dziaciej i piedafiliju. Prahresiŭnyja palityčnyja idei «Zialonych» mohuć u hałovach siłavikoŭ upisvacca ŭ hety łancužok.
«Tam tak presavali, to prosta nievynosna, — kaža Kučuk. — Heta i administracyja padtrymlivała, i sami źniavolenyja».
Ni pra jakoje siabroŭstva za kratami razmovy nie było, jaho pastajanna abražali, «nie davali prachodu» ŭ žyłoj zonie kałonii. Padtrymlivali jaho tyja, chto apynuŭsia za kratami pavodle «ekstremisckich» artykułaŭ, tyja, chto traplaŭ u niavolu paŭtorna abo pavodle 411-ha artykułu Kryminalnaha kodeksu za «Niepadparadkavańnie administracyi kałonii» (hety artykuł dazvalaje trymać za kratami biaskonca i praktyčna bieź viny), a taksama «prostyja mužyki, jakija z hałavoj» i niekatoryja maładziejšyja supracoŭniki.
Kučuka musili sudzić pavodle hetaha 411-ha artykułu ŭ nastupny paniadziełak, bo jon parvaŭ pratakoł dopytu, jakoha «nie było»: kaža, razmaŭlali ciaham 7 chvilin, advakata nie puścili.
Za kratami jamu davała siły padtrymka siamji, ale i z hetym było ciažka. Listy prychodzili tolki ad samych blizkich ludziej. Trymała i razumieńnie taho, što ludzi jaho padtrymlivajuć. Davała nadziei i toje, što ŭ kamiery nichto nie padtrymlivaŭ uładu. Jon pa-raniejšamu vieryć, što ŭsio budzie dobra, a ŭsie, chto choča, kaliści viernucca ŭ Novuju Biełaruś. Choča, kab i ŭ ludziej u Biełarusi nie pamirała nadzieja.
Vyzvalenych palitviaźniaŭ vieźli ź miažy ŭ dypłamatyčnych aŭtamabilach FOTAFAKT
«Žy-vie Bie-ła-ruś!» Palitviaźni vyjšli da ludziej, što sabralisia ich sustreć VIDEA
Kab zastacca ŭ Biełarusi, Mikałaju Statkieviču daviałosia nahoju vybić dźviery aŭtobusa
50 tysiač jeŭra dla vyzvalenych palitviaźniaŭ sabrali ŭsiaho za try hadziny
«Užo nie ŭ turmie, ale nie mahu skazać, što na voli». Uładzimir Mackievič napisaŭ pieršy post paśla vyzvaleńnia
Viazień sumleńnia Dźmitryj Kazłoŭ (błohier Šery Kot) da i paśla vyzvaleńnia FOTAFAKT
Voś jak u Vilni sustrakali vyzvalenych palitviaźniaŭ ŠMAT FOTA
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć32
Kamientary