Siońnia pačynajucca biełaruska-rasijskija vučeńni «Zachad-2025»
Jany projduć z 12 pa 16 vieraśnia na palihonach Respubliki Biełaruś i Rasijskaj Fiederacyi.
Meta vučeńniaŭ — adpracoŭka sumiesnych dziejańniaŭ biełaruskich i rasijskich vojskaŭ u miežach zabieśpiačeńnia vajennaj biaśpieki Sajuznaj dziaržavy i hatoŭnaści da adbićcia mahčymaj ahresii, paviedamlaje Minabarony.
Klučavyja aśpiekty padrychtoŭki, na jakich zasiarodžany vučeńni: udaskanaleńnie navykaŭ kamandavańnia i štaboŭ u kiravańni vojskami pry adbićci ahresii, pavyšeńnie ŭzroŭniu ŭzajemadziejańnia pamiž orhanami kiravańnia i palavoha navučańnia vajennasłužačych, a taksama adpracoŭka sumiesnych dziejańniaŭ pa niejtralizacyi pahroz i stabilizacyi abstanoŭki na miežach Sajuznaj dziaržavy.
Minabarony padkreślivaje, što vučeńni «Zachad» — heta płanavanaje mierapryjemstva, jakomu papiaredničała sieryja padrychtoŭčych manieŭraŭ na terytoryi abiedźviuch krain.
Vučeńni na terytoryi Biełarusi pravodzicca na palihonach, raźmieščanych u hłybini krainy abo ŭ jaje ŭschodnich rehijonach, i nosiać abarončy charaktar, dadaje viedamstva.
Nahadajem, što Polša ad siońnia całkam zakryła svaju miažu ź Biełaruśsiu.
Kamientary