U Homielskim abłasnym sudzie raspačynajecca razhlad «spravy Rabočaha ruchu», fihurantami jakoj prachodziać adrazu dziesiać palitźniavolenych — Siarhiej Šelest, Uładzimir Žuraŭka, Andrej Pahieryła, Hanna Abłab, Alaksandr Hašnikaŭ, Siarhiej Dziuba, Ihar Minc, Valancin Cieranievič, Siarhiej Šamiećka, Alaksandr Kapšul. Ich usich abvinavačvajuć u zdradzie dziaržavie, a taksama pa šerahu inšych artykułaŭ Kryminalnaha kodeksa. Im pahražaje da 15 hadoŭ źniavoleńnia, piša «Viasna».
Zhodna z materyjałami spravy, udzielniki «Rabočaha ruchu» «ažyćciaŭlali supraćpraŭnuju dziejnaść pa zbory i nastupnaj pieradačy zamiežnaj dziaržavie i arhanizacyi, ich pradstaŭnikam (u tym liku śpiecsłužbam ZŠA i Litvy) słužbovaj infarmacyi abmiežavanaha charaktaru ŭ dačynieńni da biełaruskich subjektaŭ haspadarańnia pra sposaby abychodu mier abmiežavalnaha charaktaru (sankcyj), a taksama pra miechanizmy procidziejańnia takim sposabam». Paviedamlajecca, što niekatoryja abvinavačanyja płanavali varyjanty błakavańnia vytvorčaści na «Hrodna Azot» i «BMZ».
18 kastryčnika 2021 hoda — amal praź miesiac paśla zatrymańnia fihurantaŭ spravy — «Rabočy Ruch» byŭ pryznany ekstremisckim farmiravańniem.
Kryminalnaja «sprava Rabočaha Ruchu» znachodziłasia ŭ vytvorčaści śledčaha adździeła ŭpraŭleńnia KDB pa Homielskaj vobłaści.
— Siarhiej Šelest, Uładzimir Žuraŭka i Andrej Pahieryła abvinavačvajucca pa art. 188 KK (paklop), č. 1 art. 356 KK (zdrada dziaržavie), č. 3 art. 361-1 KK (stvareńnie ekstremisckaha farmiravańnia i ŭdzieł u im).
— Hanna Abłab, Alaksandr Hašnikaŭ, Siarhiej Dziuba, Ihar Minc, Valancin Cieranievič i Siarhiej Šamiećka — pa č. 1 art. 356 KK (zdrada dziaržavie), č. 3 art. 361-1 KK (stvareńnie ekstremisckaha farmiravańnia i ŭdzieł u im).
— Alaksandr Kapšul — pa č. 2 art. 295 KK (Niezakonnyja dziejańni ŭ adnosinach da ahniastrelnaj zbroi), č. 1 art. 356 KK (zdrada dziaržavie), č. 3 art. 361-1 KK (stvareńnie ekstremisckaha farmiravańnia i ŭdzieł u im).
Sud pakul razhladajecca ŭ adkrytym režymie. Na praces pryjechała šmat pradstaŭnikoŭ dziaržaŭnych miedyja.
«Zrazumieŭ, što zatrymajuć i vykinuŭsia ź ciahnika». Dziesiaciarych biełarusaŭ buduć sudzić za «zdradu dziaržavie» — padrabiaznaści spravy «Rabočaha ruchu»
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju1
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary