Pravaabaroncy ź Biełaruskaha Chielsinskaha kamiteta źviarnulisia da kiraŭnictva Čyrvonaha Kryža paśla niedapuščalnych, na ich dumku, publičnych vykazvańniaŭ kiraŭnika biełaruskaha adździaleńnia arhanizacyi. U efiry dziaržaŭnaj televizii Dźmitryj Šaŭcoŭ nazvaŭ homasieksualnaść «chvarobaj» i zajaviŭ, što jaje «treba lačyć».
Skandalnaje vykazvańnie hienieralny sakratar Biełaruskaha Tavarystva Čyrvonaha Kryža, doktar Dźmitryj Šaŭcoŭ zrabiŭ u efiry telekanała STB 18 kastryčnika.
«Razumiejučy niesumiaščalnaść pavodzin hienieralnaha sakratara BTČK z pryncypami arhanizacyi — humannaściu, niejtralnaściu, biesstaronnaściu i niezaležnaściu, — ekśpierty Biełaruskaha Chielsinkskaha Kamiteta i Biełaruskaha fondu miedycynskaj salidarnaści nakiravali listy ŭ roznyja instytuty Čyrvonaha Kryža», — zajavili pravaabaroncy.
Zvaroty siarod inšaha adpravili kiraŭniku misii Mižnarodnaha Kamiteta Čyrvonaha Kryža ŭ Respublicy Biełaruś, prezidentu Mižnarodnaj fiederacyi tavarystvaŭ Čyrvonaha Kryža i Čyrvonaha Paŭmiesiaca, Mižnarodnamu Ruchu Čyrvonaha Kryža i Čyrvonaha Paŭmiesiaca, a taksama prezidentu Mižnarodnaha Kamiteta Čyrvonaha Kryža.
Biełaruski Čyrvony Kryž — praŭładnaja arhanizacyja, jakaja aktyŭna ŭdzielničaje ŭ mnohich arhanizavanych łukašenkaŭskim režymam mierapryjemstvach, u tym liku palityčnaha i prapahandysckaha charaktaru. Ale kiraŭnictva Mižnarodnaha Čyrvonaha Kryža dahetul nie bačyła ŭ hetym nijakich prablem, nie reahujučy na šmatlikija skarhi i zvaroty, jakija adpraŭlali na jaho adras.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary