Plamieńnicu ajatały Chamieniei aryštavali paśla taho, jak jana zaklikała zamiežnyja ŭrady razarvać suviazi z Tehieranam
Plamieńnica Viarchoŭnaha lidara Irana ajatały Ali Chamieniei, pravaabaronca Faryde Maradchani była aryštavanaja paśla taho, jak zaklikała mižnarodnuju supolnaść razarvać usie suviazi z Tehieranam u suviazi z žorstkim padaŭleńniem pratestaŭ, vyklikanych śmierciu 22-hadovaj Machsy Amini.
Jaje brat, Machmud Maradchani paviedamiŭ, što Faryde była aryštavanaja ŭ sieradu, kali źviarnułasia ŭ prakuraturu.
Faryde Maradchani ŭ videazvarocie, apublikavanym jaje bratam, zaklikała suśvietnuju supolnaść razarvać suviazi ź iranskim režymam na fonie pratestaŭ, jakija achapili krainu, i «spynić pieramovy z Tehieranam».
«Svabodnyja ludzi, dałučajciesia da nas i skažycie svajmu ŭradu, kab jon spyniŭ padtrymlivać hety režym, jaki zabivaje dziaciej», — skazała Maradchani na videa. «Hety režym nie vierny nivodnamu sa svaich relihijnych pryncypaŭ i nie prytrymlivajecca nijakich praviłaŭ, akramia žadańnia zastacca va ŭładzie».
Jana zajaviła, što irancy znachodziacca ŭ stanie vajny z tymi, chto padtrymlivaje iranskija ŭłady, i zaklikała demakratyčnyja krainy adklikać svaich pradstaŭnikoŭ ź Irana i vysłać iranskich pradstaŭnikoŭ sa svaich krain.
Niabožčyk, baćka Faryde i Machmuda Maradchani byŭ śviatarom i viadomym dziejačam apazicyi, jon byŭ žanaty na siastry Viarchoŭnaha lidara Irana Badry Chasiejni Chamieniei.
Pratesty ŭ krainie pačalisia ŭ siaredzinie vieraśnia paśla hibieli Machsy Amini. Ułady zajavili, što ŭ dziaŭčyny zdaryŭsia insult u palicejskim učastku, kali jana była aryštavanaja za niapravilnaje našeńnie chidžaba. Kali jaje dastavili ŭ balnicu, jana ŭpała ŭ komu i paźniej pamierła.
Za dva miesiacy pratestaŭ u Iranie byli zabityja 60 supracoŭnikaŭ sił biaśpieki, 450 pratestoŭcaŭ, u tym liku 63 dziciaci, 18 173 čałavieki byli aryštavanyja.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?20
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary