Śviet77

Papa Francišak nazvaŭ čačencaŭ i burataŭ «samaj žorstkaj častkaj rasijskich vojskaŭ va Ukrainie»

Papa Rymski Francišak, kažučy pra vajnu va Ukrainie, nazvaŭ čačencaŭ i burataŭ «samaj žorstkaj častkaj rasijskich vojskaŭ va Ukrainie», adznačyŭšy, što «kali jość ludzi-pakutniki, to pavinny być i tyja, chto ich mučyć». Pra heta jon zajaviŭ u intervju vydańniu America, piša «Nastojaŝieje vriemia».

Fota: Andrew Medichini / AP

«Kali ja kažu pra Ukrainu, ja kažu pra narod, jaki pryniaŭ pakutnickuju śmierć. Kali ŭ vas jość ludzi, jakija stali pakutnikami, u vas jość chto-niebudź, chto ich mučyć. Kali ja kažu pra Ukrainu, ja kažu pra žorstkaść, bo ŭ mianie jość šmat infarmacyi ab žorstkaści vojskaŭ. Jak praviła, samymi žorstkimi, mabyć, źjaŭlajucca tyja, chto z Rasii, ale nie prytrymlivajucca rasijskaj tradycyi, takija jak čačency, buraty i hetak dalej», — skazaŭ papa Francišak.

U adkaz na słovy pantyfika aficyjnaja pradstaŭnica MZS RF Maryja Zacharava ŭ kamientary ahienctvu TASS zajaviła, što vykazvańnie papy ab čačencach i buratach — «zamiežavaje pierakručvańnie iściny».

«Heta ŭžo nie rusafobija, heta vyčvarenstva, navat nie viedaju jakoha ŭzroŭniu. Uspomnicie, u dzievianostyja hady — pačatku dvuchtysiačnych nam ža kazali roŭna supraćlehłaje, što heta ruskija, słavianie, jakija mučać narody Kaŭkaza, a ciapier nam kažuć, što heta narody Kaŭkaza mučać ruskich. Heta ž treba być vyčvarencami iściny», — padkreśliła jana.

U svaju čarhu, kiraŭnik Buracii Alaksiej Cydzienaŭ zajaviŭ, što «voiny z Buracii z honaram vykonvajuć svoj abaviazak i źjaŭlajucca prykładam najlepšych tradycyj rasijskaj armii».

«Čuć acenku ad kiraŭnika katalickaj carkvy ab žorstkaści kankretnych nacyjanalnaściaŭ — a mienavita burataŭ i čačencaŭ, jakija abaraniajuć mirnaje nasielnictva, — jak minimum dziŭna. Historyja viedaje šmat prykładaŭ źniščeńnia haradoŭ, krain i navat narodaŭ tymi, chto ličyć siabie pradstaŭnikami cyvilizavanych nacyj», — adznačyŭ jon.

U mai hetaha hoda Papa Francišak paviedamiŭ, što razmaŭlaŭ z Patryjarcham Maskoŭskim i ŭsioj Rusi Kiryłam pra vajnu va Ukrainie.

Pa słovach papy Franciška, razmova doŭžyłasia kala 40 chvilin u Zoom. Pieršyja 20 chvilin patryjarch z papieraj u rukach začytvaŭ jamu «ŭsie pryčyny, jakija apraŭdvajuć uvarvańnie» Rasii va Ukrainu. Pantyfik, u svaju čarhu, kazaŭ, što jany z Kiryłam «pavinny šukać šlach da miru». «Patryjarch nie moža pieratvarycca ŭ pucinskaha ałtarnika», — pierakazaŭ jon źmiest razmovy.

U suviazi z hetym adździeł źniešnich carkoŭnych suviaziaŭ Maskoŭskaha patryjarchatu 4 maja raspaŭsiudziŭ kamientar, u jakim havorycca, što Francišak «vybraŭ niekarektnuju tanalnaść dla pieradačy źmiestu hetaj razmovy».

Kamientary7

  • Hryška
    29.11.2022
    U Rasiei ličać, što praŭdu pra Rasieju — heta «rusifobija. Łuchta. Papa prosta skazaŭ praŭdu.
  • Mafkees
    29.11.2022
    A počiemu etot diejatiel nie osudit lično putiena za priestuplenija protiv čiełoviečnosti i hienocid ukrainskoho naroda?
  • saŭka
    29.11.2022
    nijakaj praŭdy jon nie skazaŭ. naadvarot. chiba nie bačna, jak u hetych słovach - "samymi žorstkimi, mabyć, źjaŭlajucca tyja, chto z Rasii, ale nie prytrymlivajucca rasijskaj tradycyi, takija jak.." - jon advodzić vinu ad hałoŭnaha vinavataha - rasiejskich impiercaŭ ź ich ruSSkim miram u bašče i pierakładaje na inšych. u dadzienym vypadku burataŭ i čačencaŭ. jany moža i žorstkija, i ich vinu nichto nie admaŭlaje. ale nie treba zabyć, što jany (narody) ŭ svoj čas byli (i jość) paniaviečany ŭsio toj ža impierskaj rasiejaj

Ciapier čytajuć

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili3

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili

Usie naviny →
Usie naviny

Źniali z pasady namieśnika hiendyrektara TASS, jaki braŭ intervju ŭ Łukašenki1

Pamior Viačka Stankievič3

Škoła ekanomiki i biznesu EHU: što jana saboj ujaŭlaje i čym adroźnivajecca ad BDEU6

Siarod zahinułych u avijakatastrofie ŭ Amurskaj vobłaści byŭ prynamsi adzin biełarus5

Ministr finansaŭ raskazaŭ, na što Biełaruś prosić hrošaj u Rasii4

Admin biełaruskaj Vikipiedyi: Davajcie spynim pisać pra biazdarnaściaŭ tolki tamu, što jany biełarusy abo emihranty63

Były analityk «Minskaha dyjałohu»: Duraść zaviała Rasiju ŭ stratehičny tupik22

Litoŭskaja raźviedka papiaredziła biełarusaŭ, što ich imkniecca zavierbavać KDB7

Vystavili na aŭkcyjon kvateru z samaha vysokaha ŭ Biełarusi panelnaha chmaračosa

bolš čytanych navin
bolš łajkanych navin

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili3

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili

Hałoŭnaje
Usie naviny →

Zaŭvaha:

 

 

 

 

Zakryć Paviedamić