Biełaruski bok nieadnarazova sprabavaŭ vyrašyć prablemu z furami ź litoŭskaj rehistracyjaj palityka-dypłamatyčnymi sposabami, ale Vilnia nie išła na dyjałoh. Pra heta zajaviŭ namieśnik ministra zamiežnych spraŭ Ihar Siekreta pa vynikach sustrečy premjer-ministra Alaksandra Turčyna ź litoŭskimi i polskimi pieravozčykami, piša BiełTA.
Pa słovach namieśnika ministra, za čatyry miesiacy rabiłasia mnostva sprob vyrašyć hetu prablemu palityka-dypłamatyčnymi sposabami. «Ale čamuści Vilnia razhladała i razhladaje lubyja kantakty na palityčnym uzroŭni jak ułasnuju parazu. My abmieńvalisia hetymi vysnovami, zdahadkami z pradstaŭnikami inšych zachodnich dziaržaŭ. Ale jany nie razumiejuć, u čym zaklučajecca paraza. Kali jość prablema na miažy, jaje treba vyrašać, i susiedzi z hetym spraviacca naŭprost, napeŭna, lepš za ŭsio», — skazaŭ Ihar Siekreta.
«My nie kanjunkturščyki, my dziesiacihodździami žyli, zarablali, padtrymlivali vielmi dobryja adnosiny. I dziela niejkaj karotkačasovaj kanjunktury, tolki tamu što ŭ Litvie ciapier taki niezhavorlivy ŭrad, jaki nie idzie na kantakt, my nie chočam stračvać samaje kaštoŭnaje — čałaviečyja kantakty, suviazi, biznes. Zvyčajnyja ludzi ŭsio razumiejuć. Siońnia jany ad biezvychodnaści kazali pra toje, što kampiensacyi im nie atrymać, ich urady im nie dapamohuć. Tamu ich nadzieja — na biełaruski ŭrad, što jon prymie rašeńnie, jakoje dazvolić im viarnucca da narmalnaj dziejnaści, vieści biznes na karyść narodaŭ: i biełarusaŭ, i litoŭcaŭ, i palakaŭ», — dadaŭ namieśnik ministra zamiežnych spraŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes68
Kamientary