Rybaki znajšli na Biarezinie dziŭnuju pałonku, pobač lažaŭ ledabur
U niadzielu tam moh pravalicca čałaviek.
Babrujskija rybaki vyjavili na race Biarezina ŭ rajonie račnoha porta dziŭnuju pałonku, pobač ź jakoj lažyć ledabur, piša fishingby.com.
Na dumku ŭdzielnikaŭ hrupy ŭ Viber «Rybałka naša ŭsio! Babrujsk», u niadzielu na hetym miescy pad lod moh pravalicca chtości ź miascovych rybakoŭ.
Ale, vidać, jamu ŭdałosia vybracca, a ledabur amatar padlodnaj łoŭli pakinuŭ z-za svajho niezajzdrosnaha stanovišča i niežadańnia znoŭ viartacca ŭ niebiaśpiečnaje miesca.
«Varyjanty dva… Abo-abo… U hetym miescy surjoznaja hłybinia. Miarkujučy pa tym, što rybackaj skryni niama, rybaku, vidać, było ŭžo nie da bura. Chutčej za ŭsio, syšoŭ», — vykazaŭ zdahadku administratar hrupy.
Bolšaść biełaruskich rybakoŭ užo zakryli siezon zimovaj rybałki, ale ŭsio jašče jość adčajnyja amatary padlodnaj łoŭli, hatovyja ryzykavać žyćciom dziela pary-trojki płotak ci akunioŭ. U asobnych vypadkach takaja ryzyka pryvodzić da sumnych nastupstvaŭ.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?16
Kamientary