Łukašenka nazvaŭ vyniki refierendumu ŭ Kazachstanie ŭzrušalnym vynikam
Alaksandr Łukašenka na sustrečy z pasłom Kazachstana Cimuram Žaksyłykavym vysoka acaniŭ vyniki refierendumu ŭ Kazachstanie, na jakim była pryniata novaja Kanstytucyja krainy, piša BiełTA.
«Usio ž, jak ni kažy, heta padtrymka prezidenta Takajeva. Jon ryzyknuŭ u hety niaprosty čas, unios na refierendum vielmi važnyja dla Kazachstana pytańni, i narod — i pa ŭdziele, i asabliva pa hałasavańni (87 ź lišnim pracentaŭ) prahałasavaŭ. Uzrušalny vynik», — padkreśliŭ Alaksandr Łukašenka.
«Ja chaču vas pavinšavać. I prašu vas: pieradajcie Kasym-Žamartu Kiemieleviču maje samyja ciopłyja pažadańni i vinšavańni z vynikam. Jon małajčyna. I pavinšavać kazachski narod, kazachstancaŭ z hetym pośpiecham», — dadaŭ jon.
Novaja Kanstytucyja pryniata ŭ Kazachstanie pa vynikach respublikanskaha refierendumu 15 sakavika. Za Asnoŭny zakon prahałasavali 87,15% udzielnikaŭ.
Adna z klučavych navinak — farmavańnie adnapałatnaha parłamienta, Kurułtaja, jaki składajecca z 145 deputataŭ, i ŭviadzieńnie pasady vice-prezidenta, jaki budzie dziejničać pa daručeńni kiraŭnika dziaržavy.
Taksama praduhledžana stvareńnie vyšejšaha kansultatyŭnaha orhana, jaki pradstaŭlaje intaresy naroda — Kazakstanyn Chałyk Kieniesi (Narodny saviet Kazachstana). Jon nadzieleny pravam raspracoŭvać rekamiendacyi pa ŭnutranaj palitycy i ŭmacavańni hramadskaj zhody, unosić zakanadaŭčyja prapanovy ŭ Kurułtaj, inicyjavać praviadzieńnie refierendumu.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary