«My ničoha nie baimsia»: Zialenski prakamientavaŭ pahrozy z boku Irana
Prezident Ukrainy adznačyŭ, što za čatyry hady poŭnamaštabnaj vajny jon čuŭ šmat roznych paviedamleńniaŭ.
Ukraina nie baicca pahroz z boku Irana, zajaviŭ prezident Ukrainy Uładzimir Zialenski ŭ intervju i24news, piša UNIAN.
Pavodle słoŭ Zialenskaha, za apošnija čatyry hady, heta značyć z pačatku poŭnamaštabnaha rasijskaha vajennaha ŭvarvańnia va Ukrainu, jon čuŭ šmat takich paviedamleńniaŭ.
«Hladzicie, ničoha novaha. Ja čuŭ za hetyja čatyry hady šmat roznych paviedamleńniaŭ. My nie baimsia nijakich takich paviedamleńniaŭ. My žyviom u takich paviedamleńniach štodnia apošnija čatyry hady, minimum čatyry, ale ŭ asnoŭnym 12 hadoŭ. Tamu dla nas heta nie niešta novaje», — zajaviŭ prezident Ukrainy.
Taksama jon z upeŭnienaściu zajaviŭ, što Rasija dapamahaje Iranu, pastaŭlajučy bieśpiłotniki, pakolki ŭ źbitym na Blizkim Uschodzie šachiedzie byli vyjaŭleny rasijskija detali.
«Tak, ja ŭpeŭnieny. My bačyli niekatoryja detali z adnaho z «šachiedaŭ», jaki byŭ źniščany ŭ adnoj z krain Blizkaha Uschodu. Heta byli rasijskija detali. My viedajem heta, bo irancy ich nie vyrablali. Tamu ja dumaju, heta aznačaje, što rasijanie taksama dapamahajuć im, jak irancy dapamahali im na samym pačatku vajny, kali jany dali im «šachiedy», — adznačyŭ Zialenski.
Na minułym tydni staršynia Kamisii pa nacyjanalnaj biaśpiecy parłamienta Irana Ibrahim Azizi zajaviŭ, što lubaja dapamoha Ukrainy Izrailu, uklučajučy bieśpiłotniki, robić usiu ŭkrainskuju terytoryju «zakonnaj metaj» dla rakietnych udaraŭ Tehierana.
Pradstaŭnik Ministerstva zamiežnych spraŭ Ukrainy Hieorhij Cichi nahadaŭ, što iranski režym hadami padtrymlivaje zabojstvy ŭkraincaŭ, pakolki daje Rasii drony i technałohii dla vajny suprać Ukrainy. Cichi nazvaŭ absurdnymi pahrozy Ukrainie z boku pradstaŭnikoŭ hetaj krainy.
Jon dadaŭ, što «heta ŭsio roŭna, što sieryjny zabojca apraŭdvaŭ by svaje złačynstvy, spasyłajučysia na kryminalny kodeks».
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy7
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary