Izrail zajaviŭ pra zabojstva architektara jadziernaj prahramy i adnoj z samych upłyvovych fihur Irana Ali Łarydžani
Armija abarony Izraila naniesła avijaŭdar pa kanśpiratyŭnaj kvatery ŭ Iranie, metaj jakoha staŭ sakratar Vyšejšaha savieta nacyjanalnaj biaśpieki Irana Ali Łarydžani.
Ministr abarony Izraila Israel Kac aficyjna paćvierdziŭ hibiel vysokapastaŭlenaha čynoŭnika, jakoha nazyvali adnoj z samych upłyvovych asob u krainie i klučavoj fihuraj u raspracoŭcy iranskaj atamnaj zbroi.
Razam ź im pry napadzie zahinuŭ kamandujučy siłami «Basidž» Hałamreza Sulejmani.
Ataka adbyłasia minułaj nočču paśla taho, jak izrailskaja raźviedka atrymała źviestki pra prybyćcio Łarydžani ŭ sakretnaje miesca — pavodle niekatorych danych, jaho supravadžaŭ syn.
Mahutnaść udaru była takoj, što krynicy ŭ izrailskich słužbach biaśpieki zajavili pra adsutnaść jakich-niebudź šancaŭ na vyžyvańnie.
Hetaja apieracyja budzie surjoznym udaram pa vajenna-palityčnaj struktury Irana, bo Łarydžani nie tolki kuryravaŭ jadziernuju prahramu, byŭ hałoŭnym ruchavikom zbližeńnia Tehierana z Kitajem, a taksama adkazvaŭ za padaŭleńnie ŭnutranych pratestaŭ. Jon ličyŭsia adnym z najbližejšych paplečnikaŭ viarchoŭnaha lidara Irana Ali Chamieniei. U roznyja hady jon vioŭ składanyja pieramovy z ZŠA i rychtavaŭ krainu da mahčymaj vajny.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary