Zamiežnyja kampanii nie zmohuć ekspartavać tavary praź Sierbiju, usie sproby reekspartu buduć spynienyja. Pra heta paśla sustrečy ź jeŭrakamisaram pa pytańniach pašyreńnia i raźvićcia dobrasusiedstva Olivieram Varchieli zajaviŭ na sumiesnaj pres-kanfierencyi prezident Sierbii Alaksandr Vučyč.
Tak Vučyč adkazaŭ na słovy Varchieli, što Sierbii pierad ustupleńniem u ES nieabchodna «harmanizavać» svaju źniešniuju palityku z Brusielem. Sierbija — kandydat na ŭstupleńnie ŭ ES z 2012 hoda.
Pavodle Vučyča, u Sierbii ŭžo byli vypadki zatrymańnia hramadzian, jakija akazvali dapamohu ŭ abychodzie antyrasijskich sankcyj.
Akramia taho, Vučyč vykazaŭ ES padziaku za akazańnie finansavaj padtrymki Sierbii: da kanca hetaha hoda Białhrad atrymaje 165 młn jeŭra. U ramkach pieramoŭ ź jeŭrakamisaram Sierbija padpisała try pahadnieńni ź ES, u tym liku ramačnaje pahadnieńnie ab finansavym partniorstvie.
U listapadzie Vučyč zajaŭlaŭ, što Białhrad padtrymaje jeŭrapiejskija sankcyi suprać Rasii tolki z «damokłavym miačom nad hałavoj», bo Rasija dapamahła Sierbii abaranić cełasnaść terytoryi ŭ 2015 hodzie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary