Kompleks kapitalnych budynkaŭ na minskaj vulicy Kastryčnickaja, 16 vystavili na aŭkcyjon. ZAT «Biełrealizacyja» arhanizuje anłajn-tarhi 28 śniežnia, zajaŭki ŭdzielnikaŭ pačali prymać za miesiac da pačatku.
Try cahlanyja budynki ahulnaj płoščaj 6 158,3 kv. mietra, jakija źjaŭlajucca historyka-kulturnaj kaštoŭnaściu, prapanujucca pakupnikam dla arhanizacyi abjektaŭ handlu, hramadskaha charčavańnia, akazańnia pasłuh albo pad vytvorčaść, składy i ofisy.
Raniej u hetych budynkach raźmiaščaŭsia kulturny chab «OK16». Pieršapačatkova nieruchomaść naležała AAT «MZOR» (Minskamu stankabudaŭničamu zavodu imia Kastryčnickaj revalucyi), ale z kanca 2018 hoda majomaść pradpryjemstva aktyŭna raspradavałasia.
Pamiaškańnie, dzie raźmiaščaŭsia chab «OK16», za 3 miljony dalaraŭ tady kupiŭ Biełhazprambank na čale ź Viktaram Babarykam. Nieŭzabavie heta miesca stała viadomym i papularnym, u im ładzilisia znakavyja dla biełaruskaha kulturnaha i intelektualnaha žyćcia mierapryjemstvy. Z 2019 hoda im kiravała ciapierašniaja paliźniavolenaja Maryja Kaleśnikava.
Pačatkovy košt hetaha łota — amal 12,63 młn rubloŭ.
Kamientary