U Vilni zahinuŭ dobraachvotnik pałka Kalinoŭskaha. Palicyja ŭziała pad vartu druhoha eks-kalinoŭca
Trahičny vypadak adbyŭsia 18 śniežnia. U vyniku jaho zahinuŭ były dobraachvotnik pałka Kalinoŭskaha, piša «Radyjo Svaboda». Jak stała viadoma «Našaj Nivie», abodvum chłopcam troški za 20 hadoŭ.
Zdareńnie adbyłosia ŭ kvatery inšaha eks-kalinoŭca. Razam ź imi taksama była žonka najmalnika žylla.
Niepasredna pierad śmierciu zahinuły nibyta paprasiŭ haspadara kvatery pajści parazmaŭlać ź im u asobnym pakoi. Jany zastalisia tam sam-nasam. U vyniku praź niejki čas chłopca znajšli ŭ tym ža pakoi z nažom u sercy.
Haspadara kvatery, byłoha dobraachvotnika pałka Kalinoŭskaha, litoŭskaja palicyja ŭziała pad vartu na miescy zdareńnia.
U palicyi Litvy paćvierdzili, što trahičny vypadak sapraŭdy adbyŭsia. Pavodle infarmacyi litoŭskich pravaachoŭnikaŭ, trup hramadzianina Biełarusi z kołata-rezanaj ranaj u vobłaści hrudnoj kletki byŭ znojdzieny kala 00:46 18 śniežnia ŭ adnym z žyłych damoŭ.
Druhoha biełarusa zatrymali, jon maje status padazravanaha. Raspačataje dasudovaje rasśledavańnie pavodle artykuła 129 «Zabojstva» Kryminalnaha kodeksa Litvy.
Vyśviatlajecca, heta samahubstva ci zabojstva.
Jak viadoma «Našaj Nivie», abodvum chłopcam było troški za 20 hadoŭ, adzin ź ich byŭ paramiedykam i źbiraŭsia viartacca na front. Zahinuły byŭ pavažanym čałaviekam u pałku Kalinoŭskaha, jon vyciahvaŭ paranienych z pola boju.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj13
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2727
Kamientary