Supracoŭnika niamieckaj raźviedki zapadozryli ŭ špijanažy na karyść Rasii
Supracoŭnik Fiederalnaj raźviedvalnaj słužby Hiermanii Karsten Ł. (Carsten L.) zatrymany pa padazreńni ŭ dziaržaŭnaj zdradzie, u pryvatnaści ŭ špijanažy na karyść Rasii. Zatrymańnie adbyłosia 21 śniežnia i było sankcyjanavana Fiederalnaj prakuraturaj FRH, paviedamlaje Deutsche Welle.
Nieŭzabavie paśla hetaha stała viadoma, što śledčy sudździa Fiederalnaj sudovaj pałaty jašče 16 śniežnia vydaŭ ordar na aryšt Karstena Ł. Ciapier taho papiarednie zatrymali.
Sioleta padazravany pieradaŭ «adnoj z rasijskich śpiecsłužbaŭ» źviestki, jakija ŭjaŭlajuć saboj dziaržaŭnuju tajamnicu.
U jaho žylli i na pracoŭnym miescy ŭžo prajšli pieratrusy, zajavili ŭ svaju čarhu ŭ Fiederalnaj prakuratury Hiermanii.
Akramia taho, pad pieratrusy patrapili žyllo i pracoŭnaje miesca «jašče adnoj asoby», a taksama dva ofisy raźviedsłužby ŭ Bierlinie i Pułachu.
Fiederalnaja raźviedvalnaja słužba nie raskryvaje padrabiaznaściaŭ abvinavačańnia, adznačyŭšy, što «strymanaść i pryvatnaść vielmi važnyja ŭ hetym asablivym vypadku».
«U vypadku z Rasijaj my majem spravu z aktaram, jaki adroźnivajecca biespryncypovaściu i hatoŭnaściu da hvałtu. Kožnaja raskrytaja detal daść supierniku pieravahu ŭ namiery nanieści škodu Hiermanii», — skazaŭ kiraŭnik Fiederalnaj raźviedvalnaj słužby Bruna Kal.
Pavodle jaho słoŭ, pośpiech rasśledavańnia šmat u čym zaležyć ad taho, kab jak maha mienš infarmacyi stała zdabytkam hramadskaści, pakul prakuratura nie zavieršyć śledčyja mierapryjemstvy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary