Praviercie, ci vy adyšli ad navahodniaj nočy. Rašycie hetuju zadaču pra kapielušy
Čarhovaja hałavałomka dla raźminki mozhu dapamoža vam zrazumieć, što ŭsia štuka ŭ kapielušy.
Zadača
U zabaŭlalnaj viktarynie biaruć udzieł try čałavieki. U viadoŭcy jość kufar z kapielušami, i jon pakazvaje ŭdzielnikam, što tam lažyć piać kapielušoŭ: try čornyja i dva biełyja.
Udzielniki stanoviacca adzin za druhim ŭ rad takim čynam, što apošni bačyć pierad saboj dźvie patylicy inšych udzielnikaŭ, siaredni — adnu, a ŭdzielnik, jaki staić śpieradu, nie bačyć ničoha, akramia ściany. Udzielnikam zaviazvajuć vočy i kožnamu nadziavajuć na hałavu kapialuš. Zatym viadoŭca zdymaje paviazki z vačej i prosić kožnaha pravilna nazvać koler svajho kapieluša.
Zališnie kazać, što ŭdzielniki nie bačać, jakoha koleru kapialuš u ich na hałavie. Viadoŭca spačatku pytajecca va ŭdzielnika ŭ kancy čarhi: «Jakoha koleru ŭ ciabie kapialuš?» Toj adkazvaje, što nie viedaje. Viadoŭca pytaje ŭ hulca pasiaredzinie, ale jon taksama nie viedaje. Kali ž viadoŭca pytaje pra koler hałaŭnoha ŭboru ŭ pieršaha ŭdzielnika — toj adkazvaje pravilna i pieramahaje.
Jakoha koleru na im była šapka i adkul jon heta viedaŭ?
Padkazka
Popular Mechanics prapanujuć ujavić, što vy ŭdzielnik, jaki znachodzicca ŭ kancy čarhi. Što vy bačycie? Zatym ujavicie, što vy ŭdzielnik u centry čarhi…
Adkaz znachodzicca pad fota.
Rašeńnie
Pačnicie z apošniaha ŭdzielnika ŭ čarzie, jaki adkazvaje pieršy. Jon staić u čarzie zzadu, bačyć dvuch udzielnikaŭ pierad saboj i nie viedaje, jakoha koleru ŭ jaho šapka. Jość try čornyja kapielušy i tolki dva biełyja, tamu, kali b jon ubačyŭ biełyja kapielušy na abodvuch hulcach pierad saboj, jon by viedaŭ, što na im čorny kapialuš. Takim čynam, možna zrabić vysnovu, što jon nie bačyć pierad saboj dvuch biełych kapielušoŭ.
Toj fakt, što pieršy hulec nie zmoh razhadać zahadku, havoryć druhomu ŭdzielniku hulni, jaki znachodzicca ŭ siaredzinie čarhi, niešta važnaje: jon i čałaviek pierad im nie mohuć być u biełych kapielušach. Heta pakidaje try varyjanty.
A) I jon, i čałaviek napieradzie ŭ čornych kapielušach.
B) Čałaviek napieradzie ŭ biełym kapielušy, a jon u čornym.
V) Mužčyna napieradzie ŭ čornym kapielušy, a jon u biełym.
Kali b čałaviek pasiaredzinie ŭbačyŭ pierad saboj bieły kapialuš, jon by zrazumieŭ, što varyjant «B» pravilny, abviaściŭ by, što jon u čornym kapielušy, i vyjhraŭ. Pakolki jon nie razumieje, jakoha koleru kapialuš na im, my viedajem, što jon pavinien bačyć pierad saboj čorny kapialuš, bo heta pakidaje adkrytaj mahčymaść taho, što na im byŭ by ŭbor luboha koleru (varyjant A ci V).
A ciapier razhledzim try varyjanty z punktu hledžańnia čałavieka, jaki znachodzicca napieradzie. Jon nie viedaje, jaki z apošnich varyjantaŭ, A ci V, pravilny. Ale ŭ lubym vypadku jon pavinien być u čornym kapielušy.
Kamientary
a koler nacyi nasamreč
š