Pra heta zajaviŭ siońnia kiraŭnik Biełarusi Alaksandr Łukašenka, prymajučy davierčyja hramaty pasłoŭ 11 dziaržaŭ.
Biełaruś nie budzie rabić skaraciečnych zachadaŭ, kab dahadzić Jeŭropie
pierad pryniaćciem jakich‑niebudź rašeńniaŭ adnosna krainy. Ab hetym zajaviŭ siońnia Alaksandr Łukašenka, prymajučy davierčyja hramaty pasłoŭ 11 dziaržaŭ.
«Vy pavinny zrazumieć nas: my možam pajści na ŭmovy i ŭstupki,
ale tolki tyja, jakija nie supiarečać intaresam našaha naroda i našych susiedziaŭ»,— padkreśliŭ kiraŭnik dziaržavy, źviartajučysia da dypłamataŭ.
Alaksandr Łukašenka zajaviŭ, što naciskać na Biełaruś bieśpierśpiektyŭna. «My znachodzimsia napiaredadni pasiadžeńnia ES pa pytańniach palityki adnosna Biełarusi. Ja vas vielmi prašu: kali vy budziecie zychodzić z taho, što ciapier na Biełaruś i Łukašenku možna nacisnuć i jon vykanaje ŭsie ŭmovy, jakija napisany našaj apazicyjaj i pieradadzieny Brusielu, n
aciskać na lubuju krainu bieśpierśpiektyŭna, naciskać na krainu, jakaja źjaŭlajecca sercam jeŭrapiejskaha kantynienta, — žachliva», — skazaŭ biełaruski lider.
Jon adznačyŭ, što kali ŭ Jeŭropie chočuć bačyć inšaha čałavieka na čale Biełarusi, a nie Łukašenku, to im «treba nabracca ciarpieńnia i pačakać». «Łukašenka nie viečny. Ale pakul tut Prezident Łukašenka, jon vybrany narodam, to treba nabracca ciarpieńnia i vieści ź im dyjałoh», — zajaviŭ kiraŭnik biełaruskaj dziaržavy.
Łukašenka padkreśliŭ, što zaŭsiody pravodziŭ adkrytuju i sumlennuju palityku, i pryzvaŭ jeŭrapiejcaŭ dziejničać hetak ža. «Nie dumajcie, što napiaredadni pasiadžeńnia ES ja budu rabić skaraciečnyja zachady, kab dahadzić jeŭrapiejcam, — skazaŭ jon. — My budziem rabić toje, što budzie adpaviadać našym stratehičnym intaresam — Jeŭropy i Biełarusi. I tady praź niekatory čas vy nie paprakniacie mianie ŭ tym, što ja havaryŭ adno, a rabiŭ druhoje».
Alaksandr Łukašenka dadaŭ, što dziesiacihodździe sankcyj adnosna Biełarusi nijakaha vyniku nie dało.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary