Pryčyna prazaičnaja i pierasiakajecca z kryminalnaj spravaj tolki ŭskosna.
Učora stała viadoma, što znakamity bankir i były vice-premjer Vasil Maciušeŭski vystaviŭ na prodaž svoj šykoŭny katedž u zavułku Ržavieckim. Jon choča za jaho 1,2 miljona dalaraŭ u ekvivalencie.
Čytajcie taksama: «Jak u Puhačovaj»: były vice-premjer Maciušeŭski vystaviŭ svoj elitny katedž u Minsku na prodaž za 3,2 miljona rubloŭ
Prodaž doma, jaki jaŭna pabudavany i abstaŭleny z dušoj i dla siamji, vyhladaje jak krajniaja miera. Ale ŭ čym pryčyna?
Naziralniki vykazvali zdahadki, što taki krok moža być nastupstvam kryminalnaj spravy suprać banka BiełVEB, pa jakoj prachodzić Maciušeŭski.
My apisvali hetuju historyju: kab vyzvalić svaich top-mieniedžaraŭ z ruk łukašenkaŭcaŭ, Maciušeŭskamu pryjšłosia prasić 25 miljonaŭ dalaraŭ u Ihara Šuvałava, kiraŭnika rasijskaha Źniešekanombanka.
Čytajcie taksama: Aryštu Maciušeŭskaha papiaredničaŭ jaho kanflikt z Kałaŭram, i pahony za heta ŭčapilisia. Padrabiaznaści
Čytajcie taksama: Maciušeŭski chodzić na dopyty jak na rabotu, a Kałaŭr čakaje, jak vyrašycca jahony los — što tam sa spravaj BiełVEBa?
Jak tłumačać nam bankiry, znajomyja z abstavinami losu Maciušeŭskaha, apošnija padziei sapraŭdy mocna «vycisnuli» bankira ŭ finansavym płanie (u łukašenkaŭskaj Biełarusi praktykujucca vypłaty «naniesienaj škody» ŭ dziesiacirazovym pamiery, kab spynić kryminalny pieraśled).
Ale heta nie stała asnoŭnaj pryčynaj dla prodažu katedža. Sapraŭdnaja pryčyna prazaičnaja.
«Maciušeŭski razychodzicca z žonkaj. Treba kupić joj niešta i samomu pierajechać padalej ad Kałaŭra. Kali b jaho z hetaj kryminałkaj nie raździeli, to moža i nie pryjšłosia b pradavać, a tak…» — skazaŭ nam adzin z bankiraŭ.
Žonka Vasila Maciušeŭskaha — dyzajnierka i stylistka Natalla Kandracienka, jakaja aktyŭna viadzie svoj instahram. Napačatku 2000-ch Kandracienka była znakamitaj u Minsku madellu.
Ciapier čytajuć
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma8
Kamientary
jana takaja:
- och, Apał ty moj Apał...
(Opał - eto kamień. zielenyj. a nie to, čto vy podumali))