Lavon Volski pra toje, čamu ŭ «čornyja śpisy» muzykaŭ trapili navat tyja, chto maŭčaŭ
U pašyrany śpis vykanaŭcaŭ, muzyka jakich zabaronienaja na publičnych imprezach, trapiła amal 90 artystaŭ. Siarod ich — navat Maks Korž i Ksienija Sitnik. Muzyka Lavon Volski adreahavaŭ na novyja «čornyja śpisy».
«Kali ŭźnik pieršy čorny śpis u Biełarusi (kudy ja sa svaimi prajektami, biezumoŭna, patrapiŭ), pamiataju, pa televizary išła niejkaja ahitacyjna-prapahandysckaja pieradačka, i ŭ joj raptam pačali «klajmić pazoram» biełaruskich muzykaŭ i asabista mianie.
Złaviesnym hołasam dyktar viaščaŭ: «Heta jon (to bok, ja), kali ŭsia Biełaruś radavałasia tryumfalnaj pieramozie našaj Ksienii Sitnik na dziciačym «Jeŭrabačańni», kazaŭ pra jaje: «Nie lublu, kali dzieci kryŭlajucca».
A potym — cytata z «Majho pakaleńnia»:
«Nabyć by dalary,
Pradać by rubli,
A potym — padalej
Ad hetaj ziamli».
Voś, maŭlaŭ, da čaho zaklikaje hety muzyka.
I voś — minuła amal 20 hadoŭ, i ŭźnik abnoŭleny čorny śpis. Tam užo jość i Ksienija Sitnik, pieramozie jakoj tak radavałasia kaliści Biełaruś.
Usio stała na svaje miescy.
Spačatku ŭ śpis patrapili artysty, jakija ŭ 2020-m vykazalisia suprać hvałtu. Napisaŭ u sacsietcy: «Ja suprać hvałtu», — i ty vorah. Potym, u 22-m — tyja, chto suprać vajny.
A ciapier — tyja, chto nie vykazvaŭsia. Tamu, što ciapier treba vykazvacca za hvałt i vajnu, a kali maŭčyš — ty vorah»,
— napisaŭ Lavon Volski ŭ fejsbuku.
Maks Korž i Łedzi Haha. U Biełarusi značna pašyryli «čorny śpis» muzykaŭ
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary
A potym — padalej
Ad hetaj ziamli».Voś, maŭlaŭ, da čaho zaklikaje hety muzyka.2) I voś — minuła amal 20 hadoŭ, i ŭźnik abnoŭleny čorny śpis. Tam užo jość i Ksienija Sitnik3) Usio stała na svaje miescy.Voś tak naš muzyka razumieja palityku, jakuju tranślavała dla jaho amierykanskaja Svaboda, da jakoj jon datyčny.Ksienija ŭžo stała palitykam, Lavon? Ci moža jana raźbirajecca ŭ paitycy? Jakim bokam? Bieł-čyrvona-biełym?AMIERYKANASVABODNYM ci Chartyja97-siomym? A mo TUTbajaŭskim?Hraŭ by ty lepiej, muzyka, dy śpiavaŭ, a nie sunuŭ nos u palityku - tudy, dzie niama tvaich la bimol sieptakkordaŭ, u jakich ty choć krychu rubiš. A ŭ palityki ty palitykan la amierykanskaj Svabody.
https://dck8xvlq18iei.cloudfront.net/309463