Łukašenkaŭskim deputatam vydali vizy dla ŭdziełu ŭ pasiadžeńni ABSIE ŭ Vienie
Deputatam ź Biełarusi i Rasii vydali vizy dla pajezdki ŭ Vienu dla ŭdziełu ŭ 22-m zimovym pasiadžeńni Parłamienckaj asamblei ABSIE. Vizy buduć dziejničać tolki padčas siesii i vyklučna na terytoryi Aŭstryi, pieradaje Deutsche Welle.
Zimovaja siesija Parłamienckaj asamblei ABSIE ŭ Vienie projdzie 23-24 lutaha. Kolkaść deputataŭ ź Biełarusi, jakija buduć prysutničać na joj, pakul nie viadomaja, z Rasii ich budzie 18.
MZS Aŭstryi rastłumačyŭ vizit u Vienu hetych ludziej tym, što pa mižnarodnym pravie kraina abaviazanaja vydavać vizy ŭdzielnikam mierapryjemstvaŭ ABSIE. Ale vizy hetyja buduć dziejničać tolki ŭ Aŭstryi i tolki ciaham siesii. Suprać vydačy viz pradstaŭnikam dvuch režymaŭ vystupaŭ 81 deputat.
Praz prysutnaść biełaruskaha i rasijskaha bakoŭ delehacyi Litvy i Polščy admovilisia pryjazdžać na pasiadžeńnie. Ukraina ŭvohule nie budzie ŭdzielničać u siesii, a pryšle delehataŭ tolki dla pieramoŭ z partniorami.
Viadoma, što na Parłamienckuju Asambleju ABSIE zaprasili i Śviatłanu Cichanoŭskuju.
Zaprašeńnie padpisała prezidentka PA ABSIE Marhareta Sederfielt. Cichanoŭskaja vystupić pierad delehatami Parłamienckaj asamblei, taksama pierad ambasadarami ABSIE, sustreniecca z deputatami Aŭstryjskaha parłamientu i voźmie ŭdzieł u akcyi da hadaviny pačatku vajny suprać Ukrainy.
Čytajcie taksama:
Pasoł ZŠA pry ABSIE: Režym Łukašenki pavinien być pryciahnuty da adkaznaści za ŭnutranyja represii i źniešniuju ahresiju
Pradstaŭnica Dziarždepartamienta: ZŠA ličać dyjałoh z režymam Łukašenki nieabchodnym
«Jon nie čakaŭ mianie pabačyć, spałochaŭsia». Cichanoŭskaja na samicie ABSIE ŭ Łodzi zrabiła sumiesnaje fota z pradstaŭnikom režymu
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary