Kitaj apublikavaŭ svaju pazicyju pa ŭrehulavańni kanfliktu va Ukrainie
Kraina zaklikała pavažać suvierenitet usich krain, spynić bajavyja dziejańni i adnavić pieramovy, a taksama admovicca ad sankcyj. Vajnu Kitaj nazyvaje «ŭkrainskim kryzisam».
Kitaj apublikavaŭ svaju pazicyju pa ŭrehulavańni ŭkrainskaha kryzisu, dakumient raźmieščany na sajcie MZS krainy.
U im — 12 punktaŭ:
— pavaha suvierenitetu ŭsich krain, zachavańnie mižnarodnaha prava i Statuta AAN;
— admova ad mientalitetu chałodnaj vajny i zachavańnie pryncypu, što «biaśpieka adnoj krainy nie pavinna zabiaśpiečvacca za košt inšych»;
— spynieńnie vajennych dziejańniaŭ, paźbiahańnie eskałacyi i padtrymka ruchu Rasii i Ukrainy da dyjałohu;
— adnaŭleńnie mirnych pieramoŭ jak «adzinaha žyćciazdolnaha rašeńnia» kanfliktu; Kitaj hatovy ihrać «u hetym dačynieńni kanstruktyŭnuju rolu»;
— vyrašeńnie humanitarnaha kryzisu, stvareńnie humanitarnych kalidoraŭ dla mirnych žycharoŭ, pavieličeńnie humanitarnaj dapamohi, padtrymka AAN, jak kaardynatara dziejnaści ŭ hetaj halinie;
— abarona hramadzianskich asob i vajennapałonnych, u tym liku stvareńnie «spryjalnych umoŭ» dla abmienaŭ;
— harantavańnie biaśpieki atamnych elektrastancyj;
— supraćstajańnie pahrozie prymianieńnia jadziernaj, chimičnaj abo bijałahičnaj zbroi;
— sadziejničańnie ekspartu zbožža ŭ miežach Čarnamorskaj zbožžavaj inicyjatyvy;
— spynieńnie adnabakovych sankcyj, jakija nie vyrašajuć biahučyja prablemy, a stvarajuć novyja;
— padtrymka stabilnaści vytvorčych łancužkoŭ i łancužkoŭ pastavak, admova ad vykarystańnia suśvietnaj ekanomiki ŭ palityčnych metach;
— sadziejničańnie postkanfliktnamu adnaŭleńniu; «Kitaj hatovy akazać dapamohu i adyhrać kanstruktyŭnuju rolu ŭ hetym pačynańni».
Pry hetym dakładnych rekamiendacyj, jak, naprykład, dasiahnuć spynieńnia ahniu niama. Usiaho tolki pakazvajecca, što «ŭsie baki pavinny padtrymać Rasiju i Ukrainu ŭ pracy ŭ adnym kirunku i bolš chutkim adnaŭleńni pramoha dyjałohu, kab pastupova deeskałavać situacyju i ŭ kančatkovym vyniku dasiahnuć ŭsioabdymnaha spynieńnia ahniu».
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary
Odna voda...