Pałku Kalinoŭskaha hod. Vadzim Kabančuk: «Heta naša damoŭlenaść pamiž saboj»
U pieršyja ž dni vajny ŭ Kijevie kala dvuch dziasiatkaŭ biełarusaŭ dałučylisia da terytaryjalnaj abarony. Prysiahu pryniali 9 sakavika, i tamu hetaja data ličycca dniom naradžeńnia pałka imia Kastusia Kalinoŭskaha.
Usio pačynałasia z uzvoda, a praź niekalki dzion stała zrazumieła, što možna stvaryć navat asobny vajskovy bataljon. Ukrainskaje kamandavańnie samo prapanavała biełarusam pierajści takim składam u rehularnuju vajskovuju čaść USU.
Za hety čas hieahrafija bajoŭ, u jakich aktyŭny ŭdzieł brali biełaruskija dobraachvotniki, pašyryłasia na sotni kiłamietraŭ pa ŭsioj Ukrainie. Biełarusam daviałosia pavajavać i na Chiersonščynie, i ŭ Zaparožskaj vobłaści, i ŭ Irpieni, i pad Lisičanskam, i ŭ Bachmucie, i pad Sievieradanieckam… A bataljon užo praź niepraciahły čas staŭ pałkom.
«Naš połk — heta naš biełaruski prajekt, heta naša damoŭlenaść pamiž saboj, — kaža namieśnik kamandzira pałka Vadzim Kabančuk. — My, zhodna z vajskovymi biletami, źjaŭlajemsia vajskoŭcami ŭkrainskaha vojska, choć siarod nas jość aficery, jakija byli aficerami ŭ Biełarusi. Ale my stvaryli połk Kalinoŭskaha, zychodziačy sa svaich nacyjanalnych intaresaŭ.
Kamandzir — heta aficer ukrainski. Ale połk Kalinoŭskaha — heta ž nie tolki ludzi ŭ čaści. U Polščy dziejničaje rekrutacyjny centr. Siłavy rezierv — usio heta sistema pałka Kalinoŭskaha», — kaža Vadzim Kabančuk.
Połk Kalinoŭskaha nie adzinaje padraździaleńnie, dzie siońnia za niezaležnaść Ukrainy i Biełarusi vajujuć biełarusy, ale samaje bujnoje ź ich.
Usiaho ŭ bajach zahinuli jak minimum 19 biełarusaŭ.
U šerahi pałka praciahvajuć ulivajucca dobraachvotniki. U połk uvachodziać bataljony «Vołat» i «Litvin», a taksama hrupa kiravańnia bieśpiłotnikami imia Mikity Kryŭcova — adnaho z achviar padaŭleńnia narodnych vystupleńniaŭ u Biełarusi ŭ 2020 hodzie.
Jaki jurydyčny status bajcoŭ?
«U nas užo była sustreča ź Dziaržaŭnaj mihracyjnaj słužbaj, my budziem i dalej stavić pytańnie, kab našym sałdatam pa paskoranaj schiemie vydavali «pośvidki» na pražyvańnie va Ukrainie i dazvoł na žycharstva. Rada budzie stavić pytańnie, što inšaziemcam, jakija vajujuć za Ukrainu, buduć davać hramadzianstva pavodle paskoranaj pracedury», — raskazvaje Vadzim Kabančuk.
Ale «mnie ŭkrainski pašpart nie patrebny, — dadaje Kabančuk. — Navošta? Ja nie chaču być hramadzianinam Ukrainy. Dumaju, što ŭ chutkim časie viarnusia ŭ Biełaruś».
Čytajcie taksama: Dobraachvotniki pałka Kalinoŭskaha ŭdzielničali ŭ dźviuch bujnych apieracyjach na ŭskrajku Bachmuta
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary