Грамадства66

Палку Каліноўскага год. Вадзім Кабанчук: «Гэта наша дамоўленасць паміж сабой»

У першыя ж дні вайны ў Кіеве каля двух дзясяткаў беларусаў далучыліся да тэрытарыяльнай абароны. Прысягу прынялі 9 сакавіка, і таму гэтая дата лічыцца днём нараджэння палка імя Кастуся Каліноўскага.

Kalinouski Regiment Ukraine
Байцы Палка Каліноўскага на вучэннях. Усе фота з тэлеграм-канала Belwarriors

Усё пачыналася з узвода, а праз некалькі дзён стала зразумела, што можна стварыць нават асобны вайсковы батальён. Украінскае камандаванне само прапанавала беларусам перайсці такім складам у рэгулярную вайсковую часць УСУ.

За гэты час геаграфія баёў, у якіх актыўны ўдзел бралі беларускія добраахвотнікі, пашырылася на сотні кіламетраў па ўсёй Украіне. Беларусам давялося паваяваць і на Херсоншчыне, і ў Запарожскай вобласці, і ў Ірпені, і пад Лісічанскам, і ў Бахмуце, і пад Севераданецкам… А батальён ужо праз непрацяглы час стаў палком.

«Наш полк — гэта наш беларускі праект, гэта наша дамоўленасць паміж сабой, — кажа намеснік камандзіра палка Вадзім Кабанчук. — Мы, згодна з вайсковымі білетамі, з’яўляемся вайскоўцамі ўкраінскага войска, хоць сярод нас ёсць афіцэры, якія былі афіцэрамі ў Беларусі. Але мы стварылі полк Каліноўскага, зыходзячы са сваіх нацыянальных інтарэсаў.

Камандзір — гэта афіцэр украінскі. Але полк Каліноўскага — гэта ж не толькі людзі ў часці. У Польшчы дзейнічае рэкрутацыйны цэнтр. Сілавы рэзерв — усё гэта сістэма палка Каліноўскага», — кажа Вадзім Кабанчук.

Полк Каліноўскага не адзінае падраздзяленне, дзе сёння за незалежнасць Украіны і Беларусі ваююць беларусы, але самае буйное з іх.

Усяго ў баях загінулі як мінімум 19 беларусаў.

У шэрагі палка працягваюць уліваюцца добраахвотнікі. У полк уваходзяць батальёны «Волат» і «Літвін», а таксама група кіравання беспілотнікамі імя Мікіты Крыўцова — аднаго з ахвяр падаўлення народных выступленняў у Беларусі ў 2020 годзе.

Які юрыдычны статус байцоў? 

«У нас ужо была сустрэча з Дзяржаўнай міграцыйнай службай, мы будзем і далей ставіць пытанне, каб нашым салдатам па паскоранай схеме выдавалі «посвідкі» на пражыванне ва Украіне і дазвол на жыхарства. Рада будзе ставіць пытанне, што іншаземцам, якія ваююць за Украіну, будуць даваць грамадзянства паводле паскоранай працэдуры», — расказвае Вадзім Кабанчук.

Але «мне ўкраінскі пашпарт не патрэбны, — дадае Кабанчук. — Навошта? Я не хачу быць грамадзянінам Украіны. Думаю, што ў хуткім часе вярнуся ў Беларусь». 

Чытайце таксама: Добраахвотнікі палка Каліноўскага ўдзельнічалі ў дзвюх буйных аперацыях на ўскрайку Бахмута

Каментары6

  • Sparrow
    09.03.2023
    Хлопцы, беражыце сябе! Вы гонар Беларусi!
  • Палка Калiноускага
    10.03.2023
    У палкi два канца...
  • Украіне Слава
    10.03.2023
    Палка Калiноускага,І абодва ва рту русні 

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць