Biełaruski komik Maksim Zajac ažaniŭsia ź viadomaj rasijskaj viadučaj. Na viasielli jany vyjšli pad «Zaviruchu»
Jana dasłała jamu emodzi zajca — praz try hady jany ažanilisia.
Biełaruski komik i impravizatar Maksim Zajac ažaniŭsia z rasijskaj viadučaj i aktrysaj Alesiaj Ivančankaj. Viasielle zhulali 25 lipienia ŭ Maskvie, ale da apošniaha trymali jaho ŭ sakrecie. Pra padzieju prychilniki daviedalisia ŭžo ŭ dzień uračystaści, kali Ivančanka apublikavała fota ŭ viasielnaj sukiency z podpisam: «My siońnia ženimsia, a vy što?»
Dla vychadu maładyja vybrali biełaruskuju pieśniu — znakamituju «Zaviruchu» vakalna-instrumientalnaha ansambla «Vierasy». Na cyrymoniju pryjechali baćki žanicha ź Biełarusi i baćki niaviesty z Krasnadarskaha kraju.
Pravodziła cyrymoniju siabroŭka niaviesty, kamikiesa Liza Juščuk. Jana źviarnułasia da maładych słovami: «Alesia, ty prymusiła Maksima pavieryć u astrałohiju, a ty, Maksim, prymusiŭ Alesiu pavieryć u kachańnie». Paśla hetych słoŭ Ivančanka raspłakałasia.
Zaručalnyja piarścionki vynies biełaruski komik, kaleha Zajca pa kamandzie «Minskija» Siarhiej Haroch — ź plušavym parasiatkam Puchlaj na rukach.
Cacku ŭ asiarodździ pary nazyvajuć ich siamiejnym talismanam. Tak, Alesia stavicca da Puchli amal jak da žyvoha člena siamji: biare jaho z saboj u padarožžy, razmaŭlaje ź im i navat raicca. Maksim heta padtrymlivaje.
Na hetym žartoŭnaja častka nie skončyłasia. Suviadoŭca Ivančanki pa šou «Natalnaja karta» Dźmitryj Žuraŭloŭ źjaviŭsia ŭ husarskim mundziry, a paźniej razam z kazackim choram vykanaŭ «Luba, bratcy, luba».
Viasielle aformili palavymi kvietkami, kvietkavymi pryntami i vyjavami zajcaŭ — vidavočnaj adsyłkaj da sceničnaha proźvišča žanicha. Ivančanka paźniej patłumačyła, što im chaciełasia nie «karcinki dla sacsietak», a zvyčajnaha ciopłaha śviata.
«Hałoŭnym dla nas było, kab usie byli smačna nakormlenyja, adčuvali siabie kamfortna, jak doma. U nas nie było nijakaha dres-kodu i inšych esteckich štučak, jakija nam nie ŭłaścivyja. Chaciełasia prosta pa-čałaviečy i ad dušy pahulać, jak kažuć na Kubani», — napisała jana.
Pavodle Ivančanki, padrychtoŭku da viasiella chavali naŭmysna. Hości padtrymali prośbu maładych i da samoha śviata ničoha nie publikavali.
«Byvajuć takija etapy ŭ žyćci, jakija ty abierahaješ, chočaš pražyć cichieńka dla siabie i hatovy padzialicca hetym tolki postfaktum. I ŭsia naša banda haściej padtrymała našu prośbu», — patłumačyła jana.
Chto taki Maksim Zajac
Sapraŭdnaje proźvišča 36‑hadovaha komika — Zahajski. Jon naradziŭsia ŭ Minsku, vučyŭsia ŭ Biełaruskim dziaržaŭnym univiersitecie fizičnaj kultury, zajmaŭsia KVZ i pracavaŭ viadoŭcam viasiellaŭ dy karparatyvaŭ.
Šyrejšaj aŭdytoryi Zajac staŭ viadomy paśla ŭdziełu va ŭkrainskim šou «Raśśmiašy komika». U adnym z vypuskaŭ jamu ŭdałosia piać razoŭ raśśmiašyć Uładzimira Zialenskaha i Jaŭhiena Kašavoha i vyjhrać 50 tysiač hryŭniaŭ. Razam z Arciomam Haŭsam jon taksama vystupaŭ u rasijskim «Kamiedy Batł».
Najbolšuju paznavalnaść Zajac atrymaŭ jak udzielnik kamandy «Minskija». U 2020 hodzie jana pieramahła ŭ pieršym televizijnym siezonie šou «Impravizacyja. Kamandy», a ŭ dvuch nastupnych dajšła da finału. Paźniej udzielniki «Minskich» dałučylisia da prajekta «DVIŽ», dzie Maksim taksama staŭ adnym ź viadoŭcaŭ razmoŭnaha šou «OTYDO».
Chto takaja Alesia Ivančanka
Alesia Ivančanka naradziłasia ŭ stanicy Kałužskaj Krasnadarskaha kraju. Jana skončyła škołu z załatym miedalom, vučyłasia ŭ Kubanskim dziaržaŭnym univiersitecie i jašče ŭ studenckija hady pačała hulać u KVZ. U składzie «Płaniety Sočy» vystupała ŭ televizijnaj Premjer-lizie, a taksama traplała ŭ Mižnarodnuju lihu KVZ u Minsku.
Sapraŭdnaja papularnaść pryjšła da Ivančanki ŭ 2023 hodzie dziakujučy šou «Natalnaja karta». U im jana ŭ vobrazie astrołaha raźbiraje haraskopy viadomych haściej, a Dźmitryj Žuraŭloŭ sprabuje supraćpastavić jaje pradkazańniam łohiku i skieptycyzm. Paźniej Ivančanka stała viadoŭcaj šou «Chutkija spatkańni», a taksama syhrała hałoŭnuju rolu ŭ sieryjale «Niania Oksana».
Pačałosia ŭsio z emodzi zajca
Maksim i Alesia paznajomilisia ŭ sacsietkach u 2023 hodzie. Zajac dadaŭ Ivančanku ŭ siabry, ale sam doŭhi čas nie rabiŭ nastupnaha kroku. Urešcie pieršaj napisała Alesia: napiaredadni Novaha hoda jana dasłała jamu emodzi zajca.
Jašče da pačatku ramana Ivančanka skłała natalnuju kartu Maksima i, pavodle zorak, jany nibyta nie vielmi pasavali adno adnamu. Praz try hady para ŭsio ž dajšła da viasiella.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary
Počiemu pro trusy baby protasieviča pisali, a pro trusy baby zajca nie napisali?