Alaksandr Łukašenka ličyć, što pierśpiektyvy ŭ adnosinach z ZŠA «niadrennyja», i pieradaŭ pryvitańnie śpiecpradstaŭniku ZŠA Džonu Koŭłu i jaho «čaroŭnaj žoncy».
Biełaruś maje namier prytrymlivacca adkrytaj pazicyi i nie krucić u adnosinach z ZŠA. Pra heta Alaksandr Łukašenka zajaviŭ 28 lipienia, prymajučy z dakładam pastajannaha pradstaŭnika Biełarusi ŭ AAN Valancina Rybakova.
Adnosiny Biełarusi i ZŠA, ich dynamiku i pierśpiektyvy Łukašenka acaniŭ jak «niadrennyja».
Jon padkreśliŭ, što na pieramovach z pradstaŭnikami ZŠA «čotka i adnaznačna» patłumačyŭ amierykanskamu baku pazicyju Biełarusi: što mahčyma i na što kraina nie pojdzie.
«Ja patłumačyŭ pra našy adnosiny pierš za ŭsio z našaj Rasijaj, z KNR, dy i ź Iranam. Šmat my zakranali tem, — skazaŭ Łukašenka. — My nikoli nie krucili i ŭ dypłamatyčnyja terminy nie chavali svaju pazicyju. Ad hetaha siońnia i vyjhrajem. Jany vydatna razumiejuć, u tym liku spadar Koŭł, što my možam, a što nie».
«My hetaha kursu budziem prytrymlivacca dalej. Takoj prystojnaści, adkrytaści i našaj adkrytaj pazicyi», — zajaviŭ Łukašenka.
Źviartajučysia da Rybakova, Łukašenka skazaŭ: «Na tvaju hałavu vypaŭ i honar, i vialikaja-vialikaja praca pa naładžvańni adnosin pamiž ZŠA i Biełaruśsiu. U ciesnym kantakcie pracuješ z Džonam Koŭłam. Pieradaj jamu najlepšyja pažadańni i jaho čaroŭnaj žoncy».
«Abstanoŭka, jakaja składajecca ŭ našych adnosinach, i asabliva dynamika i pierśpiektyvy — niadrennyja», — dadaŭ jon, charaktaryzujučy adnosiny Biełarusi i ZŠA.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary