«Bajpoł» ličyć padziei ŭ Hrodnie insceniroŭkaj. I nazyvaje imia mierkavanaha «terarysta»
«Bajpoł» vykazaŭsia adnosna aficyjnaj viersii likvidacyi «terarysta» ŭ Hrodnie, nazvaŭ heta pastanoŭkaj i navat nazvaŭ imia mierkavanaha vykanaŭcy hałoŭnaj roli.
«Bajpoł» ličyć, što adzinaja praŭda, jakuju skazaŭ Kamitet dziaržaŭnaj biaśpieki, raskazvajučy pra nibyta likvidacyju 19 sakavika ŭ Hrodnie pa vulicy Kurčatava hramadzianina Rasii Alaksieja Łamakina, jaki zadumvaŭ ździajśnieńnie terarystyčnych aktaŭ — heta toje, što pašpart hramadzianina Rasii źjaŭlajecca padroblenym.
Sam «Bajpoł» u chodzie praviadzieńnia pravierki nibyta atrymaŭ ad udzielnikaŭ płana «Pieramoha» apieratyŭnuju infarmacyju ab tym, što nijakaha terarysta nie isnavała, a ŭsie datyčnyja jaho mierapryjemstvy z boku KDB — pastanoŭka. Pry hetym bajpołaŭcy navat nazyvajuć asobu, jakaja mierkavana hrała ŭ hetaj pastanoŭcy hałoŭnuju rolu, i nibyta prymianiajučy bajavuju hranatu, zahinuła ŭ chodzie šturmu.
Pavodle «Bajpoła», hetym čałaviekam moh być dziejny supracoŭnik KDB Alaksiej Mikałajevič Zacharaŭ, 18.04.1981 h. n., uradženiec Haradka Viciebskaj vobłaści. Jon nibyta prachodzić słužbu ŭ apieratyŭna-pošukavym adździele UKDB pa Viciebskaj vobłaści ŭ słužbie vonkavaha nazirańnia.
Hetaja insceniroŭka, jak śćviardžaje «Bajpoł», praviedzienaja napiaredadni Dnia Voli 25 sakavika z metaj zastrašvańnia biełarusaŭ, jakija praciahvajuć zmahacca z režymam, a taksama dla padniaćcia aŭtarytetu KDB pierad Łukašenkam.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii6
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary