U Hrodnie byŭ zabity čałaviek z padrobnym rasijskim pašpartam — dziaržSMI
Pavodle prapahandystaŭ, mužčyna mieŭ falšyvy rasijski pašpart na imia Łamakina Alaksieja 81 hoda naradžeńnia. Ci heta sapraŭdnaja jaho nacyjanalnaść, nieviadoma.
Na Łamakina śpiecsłužby nibyta vyjšli pa apieratyŭnaj infarmacyi — u lutym KDB atrymaŭ źviestki ab namierach «źbiehłych ekstremistaŭ» pierapravić z Polščy ŭ Biełaruś adnaho sa svaich prychilnikaŭ.
U pole zroku KDB trapiŭ čałaviek z rasijskim pašpartam: Łamakin Alaksiej Mikałajevič, 1981 hoda naradžeńnia. Paźniej nibyta vyśvietlicca, što dakumienty — padroblenyja.
Pry zatrymańni jon, pavodle aficyjnaj viersii, adkryŭ ahoń z aŭtamata Kałašnikava, kinuŭ hranaty i byŭ paranieny.
Pa darozie ŭ balnicu, pavodle viersii siłavikoŭ, jon pamior.
Pavodle ATN, Łamakin rabiŭ «daraźviedku» miescaŭ «vierahodnych teraktaŭ». Heta budynki KDB i UUS Hrodzienskaj vobłaści, miescy žycharstva siłavikoŭ, čyhunačny vakzał, pramysłovyja abjekty. U jaho byŭ dostup da 5 kh vybuchoŭki, skazała viadoŭca prahramy.
Ułady tolki na treci dzień nazvali nacyjanalnaść zabitaha kadebešnikami inšaziemca. Łukašenka na naradzie siońnia nazvaŭ apieracyju «bliskučaj».
Čytajcie taksama: Kadebisty zastrelili hramadzianina adnoj z krain ES? Z čym źviazany režym maŭčańnia pra stralbu ŭ Hrodnie
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj5
Kamientary