«Jany prajhrali «Kvartału 95», b*». Źjaviłasia aŭdyja, dzie Iosif Pryhožyn i rasijski miljarder rezka krytykujuć ułady

Razmova nibyta adbyłasia kala 1,5—2,5 miesiaca tamu. U im «Pryhožyn» nazyvaje asiarodździe Pucina «skončanymi žyviolinami», jakija pavodziać siabie «jak bohi».

«Kali ščyra, to, viadoma ž, jany złačyncy, b*, jašče jakija jany złačyncy. <…> Jany prajhrali «Kvartału 95», b*. <…> Jon [Pucin] sam siabie ŭ heta zahnaŭ. <…> Nas adja*ć, b*.

Navat kali jon ad'**ie i naciśnie na «knopku», b*, budučyni ŭ hetym raskładzie ŭ cełaj nacyi nich*ia niama».

Na zapisie nibyta Iosif Pryhožyn zajaviŭ, što Ihar Ivanavič (mahčyma, Siečyn), Siarhiej Viktaravič (mahčyma, Łaŭroŭ, kiraŭnik MZS) i Viktar Zołataŭ (kiraŭnik Rashvardyi) abjadnalisia suprać Siarhieja Šajhu (ministra abarony), jakoha nazyvajuć «dałba*bam».

«Situacyju jany prasrali, krainu jany prasrali, usio jany prasrali. <…> Što budzie paśla ich? I jak budzie? Pojdzie, b*, z adnaho boku, «kadyraŭcy», «pryhožyncy», buduć apryčniki. Budzie, b*, tam «machnoŭščyna». Buduć machać kinžałami, kuvałdami. Kali ciažkaja situacyja, jany ŭsie prajavili, što jany nikčemnyja, niedziejazdolnyja, nierazumnyja. U nas prezidenckaja kraina. Prezident za ŭsio heta adkaža. Za ŭsio. Ź jaho spytajuć. <…>

Jany nas praja*ali, našych dziaciej, ich budučyniu, ich los, b*, razumieješ?» — havoryć, jak śćviardžajecca, sienatar Achmiedaŭ.

Jon prapanuje «Pryhožynu» zajmacca biznesam, zarablać hrošy, adpačyvać i jak maha mienš mieć znosiny «ź imi», tamu što «heta nadoŭha»: «jon nazad nie pojdzie, napierad nie moža. <…> A na heta niemahčyma ŭpłyvać. I nie treba».

Surazmoŭcy abmiarkoŭvajuć karyść znachodžańnia ŭ baku ad situacyi i sychodziacca na tym, što ad vajny treba trymacca dalej i zajmacca svaimi spravami.

«Nikčemnaści, jany ŭsie buduć siadzieć, b*. <…> 22 hady. Krainu možna było… Za 30 hadoŭ Dubaj pabudavali. Za 40. Možna było b krainu zrabić. <…> A my što pabudavali? <…> U Tuvie 90% narodu topić vuhalem i drovami, b*. <…> Padonki, prosta padonki. I pralivajuć kroŭ niavinnych ludziej», — vykazvajecca «Achmiedaŭ».

U razmovie zakranajecca i tema «ŭkrainskaj pamyłki». «Pryhožyn» miarkuje, što zakony i tendencyi, jakija zjavilisia va Ukrainie pierad i paśla pačatku vajny, «prypadobnilisia» da rasijskich i tolki macniej razzłavali jaho» [Pucina].

«Pustyška, b*. Zakampleksavany i hety, i toj. Liliputy, b*. Kali heta ŭsio skončycca, b*? Čym heta ŭsio skončycca, b*? Jak usio razhrabać potym? <…> Kali vajavać, dyk vajavać, b*, a my navat vajavać nie možam! Tamu što armii niama nich*ia, b*. Niama ideałahičnaj pracy. Usio ŭkrali. <…> Fašyzm budzie tam. Vajennaja dyktatura», — ličyć «sienatar».

Pryhožyn užo zajaviŭ, što zapis falšyvy. «Siońniašnija technałohii, niejrasietki dazvalajuć padrabić nie tolki hołas, ale i hutarku», — zajaviŭ jon u Instagram.

• 17
• 0
• 96
• 2
• 5
• 4
• 6
• 0