U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
13 červienia na 57‑m kiłamietry aŭtadarohi R-43 «miaža Rasijskaj Fiederacyi — Kryčaŭ — Babrujsk — Ivacevičy» kala ahraharadka Rečyca ŭ Čerykaŭskim rajonie adbyłosia darožna-transpartnaje zdareńnie sa śmiarotnym vynikam.
Pavodle papiarednich źviestak, 52‑hadovy žychar Homiela, jaki kiravaŭ mikraaŭtobusam Mercedes-Benz Sprinter, vyjechaŭ na pałasu sustrečnaha ruchu i sutyknuŭsia ź lesavozam MAZ.
U vyniku avaryi kiroŭca Mercedes zahinuŭ na miescy. Jahony 22‑hadovy syn, jaki znachodziŭsia ŭ jakaści pasažyra, atrymaŭ traŭmy i byŭ dastaŭleny ŭ balnicu.
Ciapier śpiecyjalisty vyśviatlajuć usie abstaviny i pryčyny trahiedyi.
Kamientary