U noč na 14 červienia Rasiju znoŭ atakavali bieśpiłotniki. Adnym z hałoŭnych abjektaŭ udaru staŭ Novamaskoŭski chimzavod «Azot» u Tulskaj vobłaści. Tam paśla sieryi vybuchaŭ pačaŭsia pažar. Pra heta paviedamlajuć manitorynhavyja kanały, a taksama hubiernatar rehijona Dźmitryj Milajeŭ.
Pavodle viersii miascovych uładaŭ, na terytoryju pramysłovaha abjekta ŭpali abłomki źbitych dronaŭ. Manitorynhavyja hrupy i kadry ad vidavočcaŭ śviedčać pra surjozny pažar na terytoryi hetaha chimičnaha hihanta.
Zavod «Azot» źjaŭlajecca adnym z najbujniejšych profilnych pradpryjemstvaŭ u Rasii. Akramia vytvorčaści cyvilnaj pradukcyi, takoj jak minieralnyja ŭhnajeńni, amijak i mietanoł, pradpryjemstva vyrablaje azotnuju kisłatu i admysłovuju chimičnuju syravinu. Hetyja kampanienty napramuju pastaŭlajucca na rasijskija vajskovyja zavody dla stvareńnia vybuchovych rečyvaŭ i bojeprypasaŭ dla patreb vojska, što robić abjekt važnaj častkaj vajenna-pramysłovaha kompleksu krainy.
Taksama była atakavanaja naftabaza ŭ Rybinsku Jarasłaŭskaj vobłaści.
Hetaj ža nočču pra vybuchi i pracu sistem supraćpavietranaj abarony paviedamlali žychary i inšych rasijskich rehijonaŭ. U pryvatnaści, u Smalenskaj vobłaści pad udar bieśpiłotnikaŭ, imavierna, patrapiła čyhunačnaja infrastruktura ŭ horadzie Viaźma, jakaja aktyŭna vykarystoŭvajecca dla vajskovych i hruzavych pieravozak.
Akramia taho, u horadzie Aroł paśla čarhovaj ataki zahareŭsia šmatpaviarchovy žyły dom. Infarmacyja pra mahčymych paciarpiełych udakładniajecca.
Ciapier čytajuć
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy2
«Chłopcy padnieśli maje sumki — i tut ža pajechali ŭ ŠIZA». Babaryka raskazaŭ, jak jamu stvarali ŭ turmie nievynosnyja ŭmovy
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary