U Francyi sud vynies prysudy šaści hramadzianam Hruzii, jakich pryznali vinavatymi ŭ arhanizacyi kradziažoŭ redkich vydańniaŭ ruskaj kłasičnaj litaratury ź jeŭrapiejskich biblijatek. Pakarańnie dla ŭdzielnikaŭ hrupy skłała da siami hadoŭ pazbaŭleńnia voli, piša Deutsche Welle.
Złamyśniki dziejničali pa zahadzia raspracavanaj schiemie: jany vykradali kaštoŭnyja staradaŭnija knihi, a zamiest ich pakidali jakasna zroblenyja padrobki. Siarod vykradzienych vydańniaŭ byli tvory Alaksandra Puškina, Michaiła Lermantava i Mikałaja Hohala. Pavodle acenak śledstva, ahulny košt skradzienych knih skłaŭ niekalki miljonaŭ jeŭra.
Dvoje abvinavačanych byli asudžanyja zavočna, bo ich zatrymali ŭ Hruzii, jakaja nie vydaje svaich hramadzian inšym krainam. Jašče dvoje — Michieił Zamtaradze i Bieka Cirekidze — raniej atrymali prysudy ŭ Litvie i Estonii za padobnyja złačynstvy. Francuzski sud dadaŭ im novyja terminy pakarańnia.
Najbolš surovaje pakarańnie atrymaŭ 50‑hadovy Michieił Zamtaradze — siem hadoŭ turmy i pažyćciovaja zabarona na ŭjezd u Francyju. Raniej u Litvie jaho ŭžo asudzili za kradziež knih XIX stahodździa koštam bolš za 600 tysiač jeŭra.
Prakurory adznačyli, što kradziažy byli dobra arhanizavanymi i ździajśnialisia ź vialikaj padrychtoŭkaj i cynizmam. Hety praces staŭ adnym z apošnich u sieryi rasśledavańniaŭ, źviazanych z maštabnymi kradziažami redkich knih u biblijatekach roznych krain Jeŭropy. Pavodle viersii śledstva, za hetymi złačynstvami mahła stajać mižnarodnaja arhanizavanaja sietka, jakaja, vierahodna, maje suviazi z Rasijaj.
Staradruki, jakija vykradalisia ź biblijateki Varšaŭskaha ŭniviersiteta, vyvozilisia ŭ Maskvu praź Minsk
Ź jeŭrapiejskich biblijatek skrali kala 170 redkich knih Puškina i inšych rasijskich kłasikaŭ. Navošta — nichto nie viedaje
Jeŭrapoł zatrymaŭ hrupu hruzinaŭ, jakija krali knihi ruskich piśmieńnikaŭ ź jeŭrapiejskich biblijatek
Ułady Francyi padazrajuć Kreml u kradziažy pryžyćciovych vydańniaŭ Puškina
Kamientary